अमर घटारे
अमरावती : जून महिन्याच्या पहिल्याच आठवड्यात यंदा मान्सूनचे आगमन झाले आहे. मात्र अमरावती जिल्ह्यात गेल्या आठ दिवसापासून पावसाने दांडी मारल्यामुळे जिल्ह्यातील पेरण्या रखडल्या आहे. जिल्ह्यात आतापर्यंत केवळ ३५ टक्के पेरण्या पूर्ण झाल्या आहेत. 

अमरावती (Amravati) जिल्ह्यात सुरवातीला झालेल्या पावसात काही शेतकऱ्यांनी पेरणी केली होती. यात साधारण जिल्ह्यात ३५ टक्के पेरण्या झाल्या असून ६५ टक्के पेरण्या अजूनही बाकी आहेत. त्यामुळे बळीराजाला अजूनही पावसाची आस लागली आहे. तर पेरणी केलेल्या पिकांना पावसाची आवश्यकता आहे. त्यामुळे दमदार पाऊस केव्हा येईल; याकडे शेतकऱ्यांचे लक्ष लागले आहे. 

५ शेतकऱ्यांनी संपविले जीवन 

दुसरीकडे मागील दोन दिवसात विदर्भात ५ शेतकऱ्यांनी (Farmer) आत्महत्या केल्याची धक्कादायक माहिती समोर आली आहे. सततची नापिकी, अवकाळी पावसामुळे होणारे नुकसान, शासनाची न मिळालेली मदत, बँकांनी रोखलेले कर्ज वाटप या विविध कारणामुळे शेतकऱ्यांनी आत्महत्या केल्या आहे.