Washim News : ज्वारीचे फुटवे खाल्ल्याने ४० जनावरांना विषबाधा

मनोज जयस्वाल 

वाशिम : वाशिमच्या वाल्हई गावातील चाळीस जनावरे ज्वारीच्या कापणी झालेल्या शेतात चरण्याकरिता गेले (Washim) असता शेतामध्ये ज्वारीचे नवीन फुटवे खाण्यात आले. त्या फुटव्यामध्ये एचसीएन नावाचा विषारी पदार्थ असल्यामुळे त्यापासून वाल्हई गावातील जवळपास ४० जनावरांना विषबाधा झाल्याची घटना घडली. (Latest Marathi News)

खरीप हंगामात ज्वारी (Jowar) पिकांची लागवड करण्यात आलेली असते. या ज्वारीचे उत्पादन घेतल्यानंतर यातूनच अनेक शेतकरी (Farmer) हे दूरीचे उत्पादन घेत असतात. अर्थात खरीप हंगामातील ज्वारी कापलेल्या ठिकाणी नवीन फुटवे येतात. हे फुटवे लहान असताना त्यात एचसीएन हा विषारी पदार्थ असतो. जनावरांच्या हे खाण्यात आल्याने त्यांना त्रास होत असतो. विषबाधा होऊन पॉट फुगत असते. यात काही जनावरांचा मृत्यू देखील होत असतो. असाच प्रकार वाशीम जिल्ह्यातील वाल्हई या गावात घडला आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

पशुसंवर्धन विभागातील सर्व अधिकारी कर्मचारी घटनास्थळी दाखल झाले व जनावरांना औषधोपचार केला. पशुसंवर्धन विभागाच्या शर्तीच्या प्रयत्नामुळे गावातील चाळीस जनावरांचे प्राण वाचले. पशुपालकांनी ज्वारीच्या नवीन फुटवे निघालेल्या शेतात आपले पशुधन चारावयास नेऊ नये; असे आवाहन पशु विकास अधिकारी डॉ. एम. एस. मेंढे यांनी केले आहे.