Sangli News : ऊस तोडणी बंद पाडत कारखान्यात जाणाऱ्या ट्रॅक्टरची सोडली हवा; सांगली जिल्ह्यात ऊस आंदोलन पेटले

सांगली : गतवर्षी दिलेला उसाचा गाळपचा बाकी असलेला दुसरा हप्ता अजूनही देण्यात आलेला नाही. शेतकऱ्यांनी (farmer) अनेकदा मागणी करून देखील हा हप्ता देण्याची तयारी कारखान्यांनी दर्शविली नाही. या (Sangli) विरोधात स्वाभिमानी शेतकरी संघटना व शेतकरी आक्रमक झाले आहेत. यामुळेच संतप्त होत शेतकऱ्यांनी आंदोलन छेडत कारखान्यात जाणाऱ्या ट्रॅक्टरची हवा सोडली आहे. (Maharashtra News)

सांगली जिल्ह्यात ऊस आंदोलन पेटले आहे. सर्वोदय आणि सांगली साखर कारखान्यावर जात असणाऱ्या उसाचे ट्रॅक्टर अडवून हे आंदोलन करण्यात आले. गेल्या वर्षी गाळप झालेल्या ऊसाचा दुसरा हप्ता ४०० रुपये आणि यंदाची ३ हजार ५०० रुपये पहिली उचल कुणीही देण्याची तयारी दर्शवली नाही. यामुळे शेतकरी अडचणीत आहे. त्याच्या निषेधार्थ स्वाभिमानी शेतकरी संघटना आक्रमक होत आंदोलन उभारले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

जिल्ह्यात उसाच्या (Sugarcane) प्रश्नावर ठिकठिकाणी आंदोलन होत आहेत. आज सकाळी सांगलीच्या तासगाव तालुक्यातील नागाव पाचवा मैल या ठिकाणी स्वाभिमानी शेतकरी संघटना आक्रमक होत ऊस तोडी आणि वाहतूक रोखली आहे. ऊस घेऊन कारखान्यात जाणाऱ्या ट्रॅक्टरची हवा सोडून देण्यात आली.