Sambhajinagar News : लग्नाला दीड महिना झाला असतानाच काळाची झडप; शेती मशागत करताना विजेच्या धक्क्याने मृत्यू

रामू ढाकणे 

छत्रपती संभाजीनगर : शेतात काम करत असताना मोटारीच्या उघड्या वायरवर पाय पडून विजेचा जोरदार झटका बसला. यात तरुण शेतकऱ्याचा जागीच मृत्यू झाल्याची घटना छत्रपती संभाजीनगर जिल्ह्यातील पैठण तालुक्यातल्या विवाह मांडवा येथे घडली आहे.

खरीप हंगामासाठी शेती मशागतीला सुरवात झाली आहे. तर मान्सूनचे आगमन झाल्याने पेरणीच्या कामाला देखील सुरवात झाली आहे. याच दरम्यान आपल्या शेतामध्ये मशागत करत असताना शेतात असलेल्या विद्युत मोटारीच्या वायरवर त्याचा पाय पडला. वायरमधील तार मोकडा असल्याने त्याला विजेचा जबर धक्का (Electric Shock) बसला. यात तरुणाचा मृत्यू झाला. योगेश बाळू बाबर (वय २५) असं या मृत शेतकऱ्याचं नाव आहे. 

दोन महिन्यापूर्वीच झाले होते लग्न 

योगेशला विजेचा धक्का बसल्याने नातेवाईकांनी योगेशला तात्काळ पाचोड येथील ग्रामीण रुग्णालयात दाखल केले. मात्र डॉक्टरांनी त्याला तपासून मृत घोषित केले. (Sambhajinagar) दरम्यान योगेशचे दोन महिन्यापूर्वीच लग्न झाले असून सुखी संसाराचे स्वप्न पाहत असतानाच ही दुर्दैवी घटना घडली. या घटनेमुळे परिसरात हळहळ व्यक्त करण्यात येत आहे