Sugarcane Price : 'या' कारखान्याने पहिली उचल केली जाहीर; ऊसदर संघर्ष समितीच्या आंदाेलनाला यश

Pandharpur News : सोलापूर आणि सांगली जिल्ह्याच्या हद्दीवर असलेल्या सद्गुरू साखर कारखान्याने पहिली उचल अडीच हजार रुपये जाहीर केली आहे. त्यामुळे गेल्या काही दिवसांपासून सुरु ऊसदर संघर्ष समितीच्यावतीने सुरु करण्यात आलेल्या आंदोलनाला यश आले आहे. (Pandharpur Latest Marathi News)

ऊसदर संघर्ष समितीचे समन्वयक दिपक भोसले म्हणाले गेल्या एक महिन्यापासून ऊसदरासाठी सोलापूर जिल्ह्यात आंदोलन‌‌ सुरू आहे. आमची मागणी तीन हजार शंभर रुपयांची आहे. त्यातील पहिला हप्ता हा अडीच हजार रुपये मिळावा अशी मागणी आहे.

सोलापूर जिल्ह्यातील साखर कारखान्यांनी अद्याप अडीच हजार रुपये पहिली उचल जाहीर केलेली नाही. मात्र सद्गुरू साखर कारखान्याने आज ऊसदराची (sugarcane) कोंडी फोडली. भाेसले म्हणाले सद्गुरू साखर कारखान्याने पहिली उचल अडीच हजार रुपये देण्याचे जाहीर केले आहे.

आमच्या आंदाेलनाला (aandolan) यश आलेले आहे. अन्य साखर कारखाने जोपर्यंत आमची मागणी पुर्ण करत नाहीत तो पर्यंत त्या - त्या साखर कारखान्याच्या विरोधात ऊसदराचे आंदोलन सुरूच ठेवणार असा इशारा ऊसदर संघर्ष समितीचे समन्वयक दिपक भोसले यांनी दिला आहे. (Maharashtra News)

Edited By : Siddharth Latkar