परभणी : राज्य शासनाने रब्बी हंगामासाठी देखील एक रुपयात विमा काढण्याची योजना सुरु केली आहे. त्यानुसार शेतकरी पिकांना सुरक्षा कवच म्हणून पीक विमा (Crop Insurance) उतरवीत आहेत. (Parbhani) परभणी जिल्ह्यात देखील यावर्षीच्या रब्बी हंगामात जिल्ह्यातील ४ लाख ५७ हजार २२ शेतकऱ्यांनी ज्वारी, हरभरा व गहू या पिकाचा विमा उतरविला आहे. (Latest Marathi News)
शेती पिकांचे नुकसान होत असते. याकरिता खरीप हंगामासाठी एक रुपयात पीक विमा उतरविण्याची सुविधा होती. त्यानुसार शेतकऱ्यांनी (Farmer) विमा काढला होता. याचा फायदा शेतकऱ्यांना होत आहे. आता रब्बी हंगामासाठी देखील ही एक रुपयात पीक विमा ही योजना सुरु करत शेतकऱ्यांना विमा काढण्याचे आवाहन केले जात आहे. शेतकरी देखील याला प्रतिसाद देताना दिसून येत आहेत. परभणी जिल्ह्यात देखील साडेचार लाखापेक्षा अधिक शेतकऱ्यांनी विमा उतरविला आहे.
('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)
ज्वारी पिकाचा विमा उतरविण्यासाठी राज्य शासनाने ५ डिसेंबरपर्यंत मुदतवाढ दिली होती. या मुदतीत एक रुपयांत स्वस्त असणारा हा विमा १ लाख ४८ हजार ४९० ज्वारी उत्पादक शेतकऱ्यांनी पीक संरक्षित केले आहे. खरिपात काढलेल्या विम्याची अग्रिम रक्कम अजूनही शेतकऱ्यांच्या खात्यात जमा झाली नसली तरी शेतकरी झालेल्या अवकाळी पावसाने रब्बीचा विमा काढला आहे.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
