Tomato Price : टोमॅटोचे दर शंभरीपार; बाजार समितीत आवक घातल्याचा परिणाम 

सागर निकवाडे 

नंदुरबार :आठवडाभरापूर्वी ३० ते ४० रुपये किलो दराने मिळणारे टमाटे आता महाग झाले आहेत. बाजार समितीमध्ये रोजची होत असलेली आवक घातल्याने टोमॅटोच्या दरात झपाट्याने वाढ झाली आहे. सध्या नंदुरबार बाजार समितीमध्ये टमाट्याचे दर ८० ते १०० रुपये प्रति किलोवर गेले आहेत.

नंदुरबार (Nandurbar) बाजार समितीत सद्यस्थितीत टोमॅटोची आवक मोठ्या प्रमाणात घटली असून आठवड्याभरापूर्वी ३० ते ४० रुपये किलो प्रमाणे मिळणारा टोमॅटो आता ८० ते १०० रुपये किलोवर पोहोचला आहे. यामुळे आता गृहिणींना स्वयंपाकातील टोमॅटो वापरावर अंकुश येणार आहे. आता तसेच जिल्ह्याभरात होत असलेल्या पावसामुळे आवक कमीच राहणार असल्याने येणाऱ्या दिवसात आणखीन भाव वाढण्याची शक्यता देखील व्यक्त केली जात आहे.

उत्पादक शेतकऱ्यांना फायदा 

मागील काही दिवसांपासून (Bajar Samiti) पावसाची संततधार सुरु आहे. यात भाजीपाल्याची आवक देखील कमी आहे. दरम्यान आता टोमॅटोची आवक देखील घटल्याने भाव वाढले आहेत. यामुळे उत्पदक शेतकऱ्यांना भाव वाढीचा फायदा होत असल्याने शेतकऱ्यांमध्ये आनंदाचे वातावरण आहे.