Mahabaleshwar Starwberry Rate: शेतकरी चिंतेत, महाबळेश्वरच्या लाल चुटूक स्ट्रॉबेरीचा दर घटणार; जाणून घ्या कारण

Mahabaleshwar News :

सातारा जिल्ह्यात गेल्या तीन-चार दिवसांपासून ढगाळ वातावरण होऊ लागले आहे. याचा परिणाम स्ट्रॉबेरी फळावर दिसू लागला आहे. वातावरणात बदल नाही झाल्यास कमी कालावधीत लहान आकाराचीही स्ट्रॉबेरी पक्व होऊन उत्पादनात वाढ होऊन दरात घट होण्याची शक्‍यता असल्याचे शेतकऱ्यांकडून सांगितले जात आहे. (Maharashtra News)

राज्यात महाबळेश्वर तालुक्‍यात सर्वाधिक स्ट्रॉबेरीची लागवड केली जाते. तालुक्‍यात गतवर्षी नोव्हेंबर, डिसेंबर महिन्यापासून स्ट्रॉबेरीचा हंगाम सुरू झाला. सुरवातीस दरही चांगले मिळाले होते.

यंदा बदलत्या वातावरणामुळे स्ट्राॅबेरी अडचणीत आल्याचे बाेलले जात आहे. गेल्या आठ ते दहा दिवसांपूर्वी महाबळेश्वरसह पाचगणी, जावलीत ढगाळ वातावरण आहे. यामुळे स्ट्रॉबेरी फळावर काही प्रमाणात परिणाम झाला आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

साधारणपणे स्ट्रॉबेरीला आठ ते दहा अंश सेल्सिअस तापमान फायदेशीर ठरते. तापमान कमी झाल्यास फळे चिरडण्याची किंवा आकारने लहान राहण्याची शक्‍यता असते. त्यातच ढगाळ वातावरण होऊ लागल्याने शेतकऱ्यांत अस्वस्थता वाढली आहे.

Edited By : Siddharth Latkar