Jalna Drought: जालना जिल्ह्यात दुष्काळाची दाहकता; मोसंबीसह अन्य फळबागा सुकल्या

- रामनाथ ढाकणे

मोसंबीसाठी अग्रेसर असणाऱ्या जालना जिल्ह्यातच आता मोसंबी, पेरू, डाळिंबसह इतर फळबागावरती शेतकऱ्यांनी दुष्काळाची कुऱ्हाड चालवल्याचे चित्र दिसून येतंय. एकीकडे दुष्काळाची दाहकता पसरल्यामुळे नागरिकांना पाणी टंचाईला समोर जावं लागत आहे. त्याचाच फटका आता फळबागांना देखील बसायला सुरुवात झाली आहे. त्यामुळे अनेक शेतकऱ्यांनी आपल्या फळबागा काढून टाकल्यात.

आधीच माणसांना पिण्यासाठी पाणी नाही तर मग फळबागांना पाणी आणायचे कुठून आणि फळबागा वाचवायच्या तरी कशा असा प्रश्न आता शेतकऱ्यांसमोर उभा राहिलाय. जिल्ह्यातील लघु मध्यम प्रकल्पांबरोबरच विहिरींनी देखील आता तळ गाठल्याने दुष्काळी परिस्थिती निर्माण झाली.

त्यामुळे टँकरच्या पाण्यावरही काही फळबागा वाचवण्याचे प्रयत्न शेतकऱ्यांकडून सुरू आहे. मात्र हा खर्च अधिक झाल्यानंतर अखेर शेतकऱ्यांनी आपल्या फळबागांवरती कुऱ्हाड चालवली. काही शेतकऱ्यांच्या फळबागा या पाण्याअभावी सुकून गेल्या. दरम्यान शासन स्तरावर याबाबत तात्काळ दखल घेऊन फळबागा वाचविण्यासाठी अनुदान द्यावे अशी मागणी शेतकरी वर्गातून होत आहे.

Edited By : Siddharth Latkar