Swabhimani Shetkari Sanghatana Andolan: आलेवाडी प्रकल्पाच्या भिंतीवर 'स्वाभिमानी'चे आंदोलन, संग्रामपूर तालुक्यातील शेतकरी निर्णयावर ठाम

बुडीत क्षेत्रातील उर्वरित १५ पेक्षा अधिक शेतकऱ्यांच्या जमिनी खरेदीसाठी दिरंगाई होत असल्याने स्वाभिमानी शेतकरी संघटनेचे प्रशांत डिक्कर यांनी शेतकऱ्यांच्या विविध मागण्या उपस्थितीत करुन संग्रामपूर तालुक्यातील आलेवाडी प्रकल्पाच्या भिंतीवर आंदाेलन छेडले. यावेळी डिक्कर यांनी प्रकल्पाचे काम बंद पाडले. (Maharashtra News)

यावेळी डिक्कर यांनी प्रकल्पाच्या बुडीत क्षेत्रातील जमिनीचा मोबदला मिळत नाही तोपर्यंत प्रकल्पाचे काम चालु देणार नाही अशी भूमिका घेतली. प्रशांत डिक्कर यांनी आंदोलन स्थळी शेतकऱ्यांसोबत दोन तास चर्चा केली. दरम्यान वरिष्ठ अधिकाऱ्यांनी काम चालु ठेवण्यासाठी विंनती केली. परंतु तोडगा न निघाल्याने शेतकरी निर्णयावर ठाम राहिले.

.अखेर प्रकल्पावर आंदोलन स्थळी उपस्थित असलेल्या अधिकाऱ्यांनी नरमाईची भुमिका घेत प्रकल्पावरील सर्व वाहने बंद करुन काम बंद केले..प्रकल्प पूर्ण व्हावा ही आमची भूमिकाच पण शेतकऱ्यांवर कदापी अन्याय सहन करणार नाही. असा इशारा स्वाभिमानी शेतकरी संघटनेचे प्रदेशाध्यक्ष प्रशांत दिक्कर यांनी दिलाय

Edited By : Siddharth Latkar