Lemon Price Drops : लिंबाच्या दरात मोठी घसरण, शेतकरी चिंतेत

Parbhani News : एकीकडे भाजीपाल्याचे दर वधारले आहेत तर दुसरीकडे लिंबूचा दर घसरल्याचे चित्र परभणीच्या बाजारपेठेत दिसून येत आहे. लिंबू विक्रेत्यांकडून 40 रुपये प्रति किलो या दराने लिंबाची विक्री केली जात आहे. लिंबाचा दर घसरल्याने शेतकरी चिंतेत पडले आहेत. (Maharashtra News)

आता हिवाळा सुरु झाल्याने लिंबूचा दर पडल्याचे दिसून येत आहे. ग्रामीण भागातून माेठ्या प्रमाणात लिंबूची परभणी शहरात आवक वाढली आहे. काही महिन्यापूर्वी लिंबाचे दर परभणीच्या बाजारपेठेत 60 रुपये किलो होते. यामध्ये आता वीस रुपयांची घसरण झाली आहे.

ग्राहकांना दहा रुपयांत कटोराभर (आठ ते दहा लिंबू) तसेच 40 रुपये प्रति किलो या दराने लिंबू मिळू लागले आहे. दरम्यान परभणीच्या बाजारपेठेत उन्हाळ्यामध्ये लिंबाचा दर प्रति किलो दोनशे रुपये असताे.

हिवाळा असल्याने कमी दरात विक्री हाेत असल्याची माहिती गांधी पार्क, क्रांती चौक, कडबी मंडी सोबतच काळी कमान परिसरातील विक्रेत्यांनी साम टीव्हीशी बाेलताना सांगितले. ('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

Edited By : Siddharth Latkar