Unseasonal Rain : जळगावसह धुळ्यात अवकाळी पाऊस; गहू, हरभरा पिकाला फटका

जळगाव/धुळे : हवामान खात्याकडून राज्यातील काही भागात अवकाळी पावसाची शक्यता वर्तविण्यात आली होती. त्यानुसार आज सकाळपासूनच ढगाळ वातावरण निर्माण होऊन (Jalgaon) जळगावसह धुळ्यातील काही भागात अवकाळी पावसाने (Rain) जोरदार हजेरी लावली. या दिवसाचा फटका काढणीला आलेल्या गहू व हरभरा पिकाला बसण्याची शक्यता आहे.  (Tajya Batmya)

मागील तीन- चार दिवसांपासून उष्णतेची लाट आली होती. (Temperature) तापमानाचा पारा ४२ अंशाच्या वर पोहचला होता. दरम्यान उन्हाचे चटके अधिक तीव्र होत असताना आज आलेल्या अवकाळी पावसाच्या हजेरीमुळे वातावरणात गारवा निर्माण झाला आहे. यामुळे उकाड्यापासून हैराण झालेल्या नागरिकांना काहीसा दिलासा मिळाला आहे. हवामान विभागाने वर्तविलेल्या अंदाजानुसार (Dhule) धुळे वर जळगाव जिल्ह्यात सकाळपासूनच ढगाळ वातावरण निर्माण झाले होते. यात सकाळी ९ ते १० वाजेच्या दरम्यान विजाच्या कडकडाटासह अवकाळी पावसाने अचानक जोरदार हजेरी लावली. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा) -

गहू, हरभऱ्याचे नुकसान 
रब्बी हंगामातील गहू, हरभरा, ज्वारी काढणीला आले आहेत. अनेक शेतकरी (Farmer) गहू काढणीच्या तयारीत आहेत. तर काहींनी हरभरा कापून ठेवला आहे. आजच्या अवकाळी पावसामुळे शेती पिकाचे नुकसान होण्याची भीती निर्माण झाली असून शेतकरी चिंतेत सापडला आहे.