जळगाव : कंडारी (ता.जळगाव) येथील तरुण शेतकऱ्याने वाघूर धरणाच्या भिंतीलगत झाडाला गळफास घेत आत्महत्या केल्याची घटना घडली. अडीच एकर शेतात कापूस (Cotton) लावलेला असून आर्थीक परिस्थीती जेमतेम असलेल्या या शेतकऱ्यावर (Farmer) नेमके कर्ज किती होते याची माहितीही कुटूंबीयांना नाही. (Live Marathi News)
कंडारी (Jalgaon) येथील अरूण रामकृष्ण कोळी (वय ३४) हे तरुण शेतकरी पत्नी वंदना व तीन मुलींसह वास्तव्यास होते. गुरुवारी (१ नोव्‍हेंबर) सकाळी अकराच्या सुमारास घरातून अरूण कोळी शेताच्या दिशेने गेले. रात्री उशिरापर्यंत ते घरी न आल्यामुळे त्यांचे काका बापू कोळी, चुलत भाऊ विनोद कोळी यांच्यासह नातेवाईक परिसरातील जंगलात शोध घेण्यास निघाले. वाघूर धरणाच्या (Waghur Dam) परिसरात शोध घेतल्यावर याठिकाणी धरणाच्या भिंतीला लागून एका झाडाला अरूणचा मृतदेह गळफास घेतलेल्या अवस्थेत आढळून आला. तत्काळ नशिराबाद पोलिसांना घटनेची माहिती देण्यात आली.
आर्थिक अडचण आणि कर्ज..
अरुण कोळी यांच्याकडे अडीच एकरच शेती असून कापूस लावला आहे. अनेक दिवसांपासून ते अर्थिक अडचणीत होते, त्यात लहरी हवामानामुळे शेती उत्पन्नाचा भरवसा नाही. प्रचंड मेहनत करूनही कुटूंब पोसणंही अशक्य होत नसल्याने ते तणावात राहायचे. अरुण यांनी नेमके कोणाकडून कर्ज, हात उसनवारीवर पैसे घेतले हे अद्याप कुटूंबियांनाही सांगता येणे अशक्य आहे. अरुण कोळी यांना तीन मुली असून लहान मुलगी अवघी सहा महिन्यांचीच आहे.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.