Hingoli Heavy Rain : सेनगाव तालुक्यात पावसाचा हाहाकार; वीज पडून महिलेचा मृत्यू, पिकांचे मोठे नुकसान

हिंगोली : हिंगोलीच्या सेनगाव तालुक्यात पावसाने हाहाकार माजविला असून मुसळधार पावसामुळे शेतकऱ्यांवर आभाळ कोसळले आहे. साधारण पन्नास हेक्टरवरील सोयाबीन, कापूस, उडीद व मुगाचे नुकसान झाले आहे. तर वीज कोसळून शेतकरी महिळेच मृत्यू झाल्याची घटना घडली आहे. 

हिंगोली (Hingoli) जिल्ह्यात जोरदार पावसाचे आगमन झाले. जिल्ह्यात झालेल्या मुसळधार पावसाने शेतकऱ्यांचे मोठं नुकसान झालं आहे. जिल्ह्यातील सेनगाव तालुक्यातील हिवरखेडा साखरा परिसरात शेतकऱ्यांच्या पन्नास हेक्टरवरील शेतीमध्ये उभी पिके आडवी झाली आहेत. सोयाबीन, तूर, उडीद, मूग या पिकांचे अधिक प्रमाणात नुकसान झाल्याने शेतकऱ्यांच्या हातातोंडाशी आलेला (Heavy Rain) घास हिरावला गेला आहे. सुरवातीला झालेल्या पावसामुळे शेतीचे मोठ्या प्रमाणात नुकसान झाले होते. यानंतर बळीराजा पुन्हा एकदा संकटात सापडला आहे.  

वीज पडल्याने शेतकऱ्याचा मृत्यू 

मुसळधार पावसासोबत विजांचा कडकडाट देखील सुरु होता. या दरम्यान साखरा शिवारात पतीसोबत शेतात राबणाऱ्या महिला शेतकऱ्यावर वीज कोसळल्याने तिचा जागीच मृत्यू झाला आहे. तर या घटनेत या महिलेचा पती देखील वीज कोसळल्याने गंभीर भाजला गेला आहे.