Pandharpur News : पेरुला निम्म्यानेच मिळू लागला दर, भाव गडगडल्याने शेतकरी आर्थिक अडचणीत

Pandharpur News :

डाळिंबाला पर्यायी पिक म्हणून सोलापूर जिल्ह्यात पेरूची लागवड मोठ्या प्रमाणावर वाढली आहे. त्यामुळे बाजारात पेरुची आवक वाढली आहे. त्यामुळे किलोमागे 30 रुपयांनी पेरुचे भाव गडगडले (Guava Price Drop) आहेत. पेरुचे भाव पडल्याने उत्पादक शेतकरी आर्थिक अडचणीत आले आहेत. (Maharashtra News)

शकील काझी यांच्याकडे 18 एकर क्षेत्रावर तैवान जातीच्या पेरूची लागवड केली आहे. यापूर्वी ते डाळिंबाचे उत्पादन घेत होते. बदलत्या हवामान आणि वाढत्या कीड रोगामुळे डाळिंबाचे मोठ्या प्रमाणावर नुकसान झाले होते. त्यामुळे त्यांनी पर्यायी पीक म्हणून पेरूची लागवड केली आहे.

सध्या त्यांच्या पाच एकरावरील पेरूची तोडणी सुरू आहे. एकरी 30 टन इतका त्यांना उत्पादन मिळाले आहे परंतु अपेक्षित दर बाजारात मिळत नसल्याने त्यांची पेरूची शेती सध्या तोट्यात गेली आहे.

('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)

सरासरी 60 ते 70 रुपये प्रति किलो दर मिळाला तर एकरी पाच ते सहा लाख रुपयांचे नफा मिळू शकतो असे सांगितले जात आहे. सध्या निम्म्यानेच बाजारात दर मिळत असल्याने पेरूची शेती सध्या तोट्यात आल्याने पेरू उत्पादक शेतकरी आर्थिक संकटात सापडले आहेत.

Edited By : Siddharth Latkar