Soybean: बाजारपेठेत सोयाबीनची आवक घटली; भाव मिळतोय कमी

धुळे : परतीच्या पावसामुळे गेल्या एक ते दीड महिन्यात शेती पिकांचे अतोनात नुकसान झाले. यामध्ये सोयाबीन (Soybean) पिकाचे देखील मोठ्या प्रमाणात नुकसान झाले आहे. परिणामी (Sakri) साक्री व दोंडाईचा (Dondaicha) कृषी उत्पन्न बाजार समितीमध्ये सोयाबीनची आवक घटल्याचे दिसून येत आहे. (Tajya Batmya)

यंदा धुळे (Dhule) जिल्‍ह्यात अतिवृष्‍टी झाली आहे. यामुळे पावसाच्‍या पाण्यात पिकांचे मोठे नुकसान झाले आहे. यात काढणीच्या वेळेस आलेल्या मुसळधार पावसामुळे सोयाबीन काळी पडल्याने सोयाबीनचे देखील नुकसान झाले आहे. यामुळे उत्‍पन्‍नात देखील घट झाल्‍याचे पहावयास मिळाले आहे.

सोयाबीनला भाव कमी

एकीकडे आसमानी संकटामुळे सोयाबीनचे नुकसान झालेले असताना दुसरीकडे सोयाबीन काळी पडल्यामुळे व्यापाऱ्यांतर्फे सोयाबीनला भाव कमी देण्यात येत आहे. शेतकऱ्यांनी बाजारपेठेत सोयाबीन अद्यापही विक्रीसाठी आणली नसल्यामुळे बाजारपेठेत सोयाबीनची घट बघायला मिळत आहे.