Buldhana News: सततची नापिकी, कर्जफेडीची विवंचना; अल्‍पभुधारक शेतकऱ्याचे टोकाचे पाऊल

बुलढाणा : सततची नापिकी व कर्जबाजारीपणात कायम विवंचनेत राहत होते. यातून कंटाळून गुरांच्या (Buldhana) वाडग्यातील निंबाच्या झाडाला दोराच्या साह्याने गळफास घेऊन अल्पभूधारक वृद्ध शेतकऱ्यांनी (Farmer) आत्महत्या केल्याची घटना घडली. (Tajya Batmya)

आसलगाव (बुलढाणा) येथील अल्पभूधारक शेतकरी समाधान तुकाराम मनसुटे (वय ६०) असे गळफास घेतलेल्या शेतकऱ्याचे नाव आहे. समाधान मनसुटे यांची आसलगाव शेत शिवारात पावणेतीन एकर शेती असून संपूर्ण कुटुंबाचा उदरनिर्वाह शेतीवर व मजुरीवर अवलंबून आहे. त्यांच्यावर बुलढाणा जिल्हा केंद्रीय बँकेचे २५ हजार रुपये कर्ज व खाजगी कर्ज सुद्धा होते.

सततच्या नापीकीमुळे सातत्याने बँकेचे कर्ज व खाजगी कर्ज हे वाढत चालले होते. यामुळे या कर्जाची परतफेड कशी करावी या विवंचनेत समाधान मनसुटे होते. यातून त्‍यांनी स्वमालकीच्या गुरांच्या वाडग्यातील निंबाचे झाडाला दोरीच्या साह्याने गळफास घेऊन आत्महत्या केली. त्यांच्या पश्चात दोन मुले, पत्नी असा आप्त परिवार आहे.