सागर निकवाडे
नंदूरबार : शहादा तालुक्यातील कलमाडी तह गावातून एक भयंकर घटना समोर आली आहे. कलमाडी (Shahada) गावात एका घरात अचानक गॅस सिलेंडरच्या (Gas Cylinder) भीषण स्फोट झाला. यामध्ये घरातील संसार उपयोगी वस्तू व बचत केलेली रोख रक्कम जळून खाक झाले. ही दुर्दैवी घटना सोमवारी सायंकाळी घडली. (Live Marathi News)
शहादा तालुक्यातील कलमाडी तह गावातील परशुराम ठाकरे हे आपल्या कुटुंबासह शेती काम करून उदरनिर्वाह करतात. त्यांची पत्नी छाया परशुराम ठाकरे या आशा वर्कर असून त्या दुपारी आपले कार्य करून घरी आल्या. त्यावेळी त्यांनी किचनमध्ये स्वयंपाक करण्यासाठी गेल्या असता त्यांना गॅस सिलेंडर लीक झाल्याच्या अंदाज आला. यानंतर त्यांनी आपल्या दोन मुलीसह घरातून बाहेर निघाले असता गॅस सिलेंडरच्या स्फोट झाला.
स्फोटात छत व भिंत कोसळली
हा स्फोट इतका भयंकर होता, की घरातील छत व भिंतीही कोसळल्या. आगीच्या लोड बाजूतल्या परिसरापर्यंत पोहोचल्या. अचानक झालेल्या स्फोटाने परिसरातील नागरिक भयभीत झाले असून परिसरातील नागरिकांनी वेळीच धाव घेत आग आटोक्यात आणली.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.