Cotton Price : कापसाच्या दरात महिनाभरानंतर वाढ; भाव वाढूनही कापसाची आवक मंदावलेलीच

अमर घटारे 

अमरावती : सहा हजार रुपयांवर गेलेले कापसाच्या दरात मागील काही दिवसांपासून वाढ होत आहे. त्यानुसार (Amaravati) अमरावतीमध्ये देखील महिनाभरानंतर (Cotton Price) कापसाच्या दरात वाढ झाली असून साडे सात हजार रुपयांच्या वर दर पोहचले आहे. यामुळे शेतकऱ्यांमध्ये आनंदाचे वातावरण आहे. (Maharashtra News)

कापूस (Cotton) उत्पादक शेतकऱ्यांनी गत वर्षी दरवाढीच्या आशेने कापूस घरात भरून ठेवला होता. मात्र भाववाढ न झाल्याने कमी दरात विक्री करावी लागली होती. यामुळे (Farmer) शेतकऱ्यांना आर्थिक झळ सहन करावी लागली होती. यंदा देखील कापसाची लागवड बऱ्यापैकी झाली होती. यंदा कापसाच्या उत्पादनात ४० ते ५० टक्क्यांनी मोठी घट झाली. मात्र सुरवातीपासूनच कापसाचे दर अपेक्षित नव्हते. काही दिवस वाट पाहिल्यानंतर कापूस विक्रीला काढला होता. एक महिन्यांपूर्वी शेतकऱ्यांनी कमी दरात कापूस विकला होता. यानंतर आता भाव वाढ झाली आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

तरीही आवक मंदावलेली 

राज्यात कापसाचे भाव वाढत असून साधारण दर साडेसात हजाराच्या वर गेले आहेत. यात अमरावतीमध्ये कापसाचे दर प्रतिक्विंटल ७ हजार ६५० रुपये झाले आहेत. असे असले तरी भाव वाढूनही बाजारपेठेत कापसाची आवक मंदावलेलीच आहे. शेतकऱ्यांना कापसाच्या दारात आणखी वाढ होण्याची अपेक्षा असल्याने कापूस विक्रीस काढत नाही.