Students Refund Exam Fee : दहावी, बारावीच्या विद्यार्थ्यांना परीक्षा शुल्क मिळणार परत; बँक खात्यात जमा होणार रक्कम

रामू ढाकणे 

छत्रपती संभाजीनगर : राज्यात यंदा दुष्काळी परिस्थिती आहे. यामुळे राज्यातील दुष्काळग्रस्त भागातील (Sambhajinagar) दहावी आणि बारावीच्या विद्यार्थ्यांना त्यांचे परीक्षेच शुल्क परत मिळणार आहे. विद्यार्थ्यांनी भरलेले हे शुल्क संबंधित (Student) विद्यार्थ्यांच्या बँक खात्यावर जमा केले जाणार आहे. (Latest Marathi News)

सध्या दहावीच्या परीक्षा (SSC Exam) अंतिम टप्प्यात असून बारावीच्या परीक्षा (HSC Exam) देखील सुरु आहेत. त्याचवेळी परीक्षा मंडळाच्या सचिव अनुराधा ओक यांनी दुष्काळग्रस्त विद्यार्थ्यांच्या परीक्षा शुल्क परत करण्याबाबत एक पत्र काढले आहे. यंदा राज्यातील अनेक जिल्ह्यांमध्ये पुरेसा पाऊस पडलेला नाही. त्यामुळे सरकारने नोव्हेंबर महिन्यात १५ जिल्ह्यातील ४० तालुके आणि १ हजार २१ महसूल मंडळांमध्ये दुष्काळ जाहीर केला होता. या भागातील विद्यार्थ्यांना हे शुल्क माफ करण्यात आले आहे. 

('साम टीव्ही'चं व्हॉट्सअँप चॅनल जॉईन करण्यासाठी येथे क्लिक करा)

मुख्याध्यापकांकडून मागविली माहिती 

संबंधित भागातील विद्यार्थ्यांना परीक्षा शुल्क माफीची सवलत लागू करण्यात आली होती. त्यासाठी महाराष्ट्र राज्य माध्यमिक व उच्च माध्यमिक शिक्षण मंडळाने सर्व मुख्याध्यापकांकडून पात्र विद्यार्थ्यांच्या याद्यांसह बँक खात्याची देखील माहिती मागवली आहे. दरम्यान विद्यार्थ्यांची माहिती प्राप्त झाल्यावर त्यांच्या खात्यावर परीक्षा शुल्काच्या प्रतिकृतीची रक्कम जमा करण्यात येईल.