Viral Video: बाईक स्टंटचा प्रयत्न जीवावर बेतला, तोंडावर आपटल्याने तरुण जखमी; VIDEO

Youth Accident Video: तरुण असो तरुणी यावर्गात बाईक स्टंटचा ट्रेंड दिवसेंदिवस वाढताना दिसतोय. सोशल मीडियावर थोडं नाव कमवण्यासाठी किंवा व्हायरल व्हिडिओसाठी तरुण बेधडकपणे आपला जीव धोक्यात घालून स्टंट करताना दिसतात. असाच एक धक्कादायक प्रकार नुकताच समोर आलेला आहे. स्टंट करताना तोल जाऊन एका तरुणाचा दुचाकीवरून तोल गेल्याने तो थेट तोंडावर आपटला. या अपघाताचा थरारक व्हिडिओ सध्या सोशल मीडियावर मोठ्या प्रमाणात व्हायरल झाला आहे.

नेमके घडले तरी काय?

घटनेतील तरुणाने रस्त्यावर गर्दी नसलेल्या ठिकाणी आपल्या बाईकवर स्टंट(Stunt) करण्याचा प्रयत्न केला. मात्र, स्टंट करताना त्याचा तोल गेला आणि दुचाकीसह तो रस्त्यावर आपटला. त्याचं तोंड थेट रस्तावर आदळल्याने त्याला गंभीर दुखापत झाली. काही वेळातच आजूबाजूचे लोक धावत आले आणि त्याला मदतीसाठी उचलले. प्रथमदर्शनी वाटलं की हा अपघात फारसा गंभीर नाही, पण पुढील तपासणीत समजलं की त्याला जबड्याला, कपाळाला आणि नाकाला मोठी इजा झाली आहे.

हा व्हिडिओ एक्स या सोशल मीडिया प्लॅटफॉर्मवरील @Deadlykalesh या अकाउंटवर अपलोड करण्यात आलेला आहे. हा व्हायरल व्हिडिओ कधीचा आहे आणि कुठला आहे ते अद्याप समजले नाही,मात्र सध्या या व्हिडिओची चर्चा सर्वत्र होत आहे.

या स्टंटचा व्हिडीओ(Video) कॅमेऱ्यात कैद झाला आणि अल्पावधीतच सोशल मीडियावर व्हायरल झाला. अनेकांनी या तरुणाच्या मूर्खपणावर टीका केली तर काहींनी स्टंट करताना योग्य सुरक्षा साधनांचा वापर न केल्याबद्दल संताप व्यक्त केला. व्हिडीओमध्ये स्पष्ट दिसतं की त्या तरुणाने हेल्मेट घातलेलं नव्हतं. ही मोठी चूक ठरली. हेल्मेट असतं तर त्याचं डोकं वाचलं असतं.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.