अगं बाई! विदेशातही पोहोचला महाराष्ट्राचा ठसका! इटालियन महिलांनी गायले मराठी गाणं 'आता वाजले की बारा'

Trending Viral Video: महाराष्ट्राच्या लोकसंगीताला आणि संस्कृतीला आता आंतरराष्ट्रीय पातळीवरही ओळख मिळू लागली आहे. याचं ताजं उदाहरण म्हणजे एक व्हिडिओ जो सध्या सोशल मीडियावर प्रचंड व्हायरल होत आहे. या व्हायरल व्हिडिओमध्ये काही इटालियन महिला आपल्या खास शैलीत मराठी गाणं 'आता वाजले की बारा' गाताना दिसत आहेत. त्यांच्या या सादरीकरणाने मराठी रसिकांची मनं जिंकली आहेत.

'आता वाजले की बारा' हे गाणं म्हणजे मराठी मनोरंजन विश्वातील एक खास धमाल गाणं. अभिनेत्री राखी सावंतच्या आवाजातील हे गाणं काही वर्षांपूर्वी खूप गाजलं होतं. त्याची ऊर्जा, ताल आणि मराठमोळा बाज यामुळे हे गाणं तरुणाईमध्ये विशेष लोकप्रिय ठरलं. पण आता हेच गाणं इटालियन महिलांनी गायल्याने अनेकांची उत्सुकता शिगेला पोहोचली आहे.

व्हिडिओमध्ये दिसतं की दोन-तीन इटालियन महिला एकत्र येऊन अतिशय मनापासून हे गाणं म्हणत आहेत. त्यांच्या उच्चारांमध्ये थोडंसे मराठीपण नसले तरी भाव, हावभाव आणि गाण्याच्या लयीचा त्यांनी उत्तम साधलेला समतोल प्रेक्षकांना भारावून टाकतो. इतक्या आत्मीयतेने त्यांनी हे गाणं सादर केल्यामुळे अनेक मराठी नेटकऱ्यांनी त्यांचं तोंडभरून कौतुक केलं आहे.

या व्हिडिओवर(Video) 'महाराष्ट्राची संस्कृती आता जागतिक बनतेय तर काहींनी म्हटलं,''प्राइड ऑफ मराठी' अशा प्रतिक्रिया देखील पाहायला मिळाल्या. काहींनी तर या महिलांना 'इटालियन लेडीज विथ मराठी हार्ट' असंही म्हटलं आहे. इतकंच नाही, तर या व्हिडिओने अनेक मराठी मनांमध्ये अभिमानाची भावना निर्माण केली आहे.

टीप : हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.