एका तरुणाने घटस्फोटानंतर आनंद साजरा केला
या सेलिब्रेशनमध्ये तरुणाची आईसुद्धा सहभागी झाली होती
व्हिडिओ सोशल मीडियावर व्हायरल झाला असून नेटकऱ्यांकडून संमिश्र प्रतिक्रिया येत आहेत
घटस्फोटानंतरही जीवनाकडे सकारात्मक दृष्टीने पाहण्याचा संदेश या व्हिडिओतून मिळतो.
आनंदाच्या क्षणी उत्सव करणे हा समाजात सध्या ट्रेंड सुरु आहे. वाढदिवस, लग्नसोहळा, बारसं आपण धुमधडाक्यात एखाद्या उत्सवाप्रमाणे साजरा करतो. मात्र एका पठ्ठ्याने स्वतःच्या घटस्फोटाचा क्षण धुमधडाक्यात साजरा केला आहे. या तरुणाने घटस्फोटानंतर चक्क 'सुखी घटस्फोट' अशा स्वरूपाचा मेसेज लिहून केक कापला आहे. या घटनेचा सध्या सोशल मीडियावर जोरदार चर्चा सुरु आहे.
घटस्फोट झाल्यानंतर बऱ्याचदा जोडप्यांमध्ये नाराजी पाहायला मिळते. मात्र व्हायरल झालेल्या व्हिडिओमध्ये दिसते आहे की, एका तरुणाचा नुकताच घटस्फोट झाला आहे. हा घटस्फोट झाल्यानंतर त्याने शाही सेलिब्रेशन केलं आहे. या सेलिब्रेशनमध्ये त्याच्या आईचाही सहभाग असल्याचं दिसून येत आहे. मुलाचा घटस्फोट झाला म्हणून त्याची आई दुग्धभिषेक घालताना दिसत आहे.
शिवाय या तरुणाने आपला आनंद व्यक्त करण्यासाठी केक कापला. या केकवर 'सुखी घटस्फोट' असा मेसेज लिहिला आहे. तसेच या तरुणाने म्हटले आहे की, मी माझ्या घटस्फोटित बायकोला १२०ग्रॅम सोनं आणि १८ लाख रुपये दिले आहेत. कृपया आनंदी रहा, स्वतःचा सन्मान कर. आता मी सिंगल, खुश आणि आझाद आहे. माझं जीवन, माझे नियम!"
तरुणाच्या या सेलेब्रेशनवर नेटकऱ्यांनी कमेंट सेक्शनमध्ये धुमाकूळ घातला आहे. काहींनी तरुणाच्या या निर्णयाचं कौतुक केलं आहे. तर काहींनी त्याने केलेल्या सेलेब्रेशनवर टीका करत आहेत. या व्हिडिओला मिळालेल्या संमिश्र प्रतिसादानंतर तरुणाने तो पुन्हा शेअर करत नेटकऱ्यांचे आभार मानले. जरी या व्हिडिओवर टीका आणि वेगवेगळ्या चर्चेचा पाऊस पडत असला तरी घटस्फोटानंतरही आयुष्य नव्या दृष्टीने कसं पाहता येऊ शकतं याबाबत एक वेगळा संदेश तरुणांना याद्वारे मिळू शकतो.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.