Viral Video : बाबो! चिपळूणच्या पेट्रोल पंपाजवळ आली महाकाय मगर, नागरिकांमध्ये भीती; पाहा VIDEO

सध्या प्रत्येक राज्यात मुसळधार पावसाने दमदार हजेरी लावलेली आहे. या पावसाचा परिणाम अनेक ठिकाणी पूर आलेला आहे, तर या पूरामुळे नागरिकांच्या घरात पावसाचे पाणी जमा झालेले आहे. या पावसाच्या पाण्यातून वाहत जाऊन अनेकांच्या घरी साप तर विंचू असे प्राणी घरात आढळून आले आहे. याचे व्हिडिओ सोशल मीडियावर व्हायरल होत आहेत. परंतू सोशल मीडियावर एक भर रस्त्यात मगरीचा मुक्त संचार होत असलेल्याचा व्हिडिओ सध्या व्हायरल होत आहे.

व्हायरल होत असलेला व्हिडिओ(Video) रत्नागिरीमधील चिपळूणचा आहे. जिथे चिपळूणच्या मेहता पेट्रोल पंपाजवळ मगर आली आहे. गेल्या काही दिवसांपूर्वीच रत्नागिरीमधील मगरीचा व्हिडिओ मोठ्या प्रमाणात व्हायरल झाला होता, ज्या व्हिडिओ नदीची पाणी पातळी वाढल्याने मगर रस्त्यावर आली होती.त्यामुळे त्या वेळेसही नागरिकांमध्ये भितीचे वातावरण निर्माण झाले होते.

सध्या व्हायरल होत असलेल्या व्हिडिओत तुम्ही पाहू शकता, संपूर्ण परिसर चिपळूणच्या मेहता पेट्रोल पंपाजवळचा आहे.त्यात पेट्रोल(Petrol) पंपाजवळ एक गाडी उभी आहे, त्या गाडीच्या पाठी मागून एक मगर येताना दिसत आहे. काही वेळाने ती मगर कोणाला ही इजा देता एका बाजून निघून जाते. मगरीचा आकार लहान आहे परंतू तेथील नागरिकांमध्ये भितीचे वातावरण पसरले होते.