Viral Video: बैलाने दिली धडक, दुचाकीस्वार थेट ट्रकला धडकला, चालकामुळे मोठा अनर्थ टळला, अन्यथा... Video

सोशल मीडियावर रोज अनेक व्हिडिओ व्हायरल होत असतात. यात अनेक व्हिडिओ डान्सचे, अपघाताचे आणि हाणामारीचे असतात. सध्या सोशल मीडियावर एका अपघाताचा व्हिडिओ व्हायरल होत आहे. हा अपघात दोन वाहनांमध्ये नाही तर बैल आणि बाईकस्वारामध्ये झाला आहे.

सध्या जंगल खूप जास्त प्रमाणात कमी झाली आहेत. त्यामुळे अनेक वन्यप्राणी, पाळीव प्राणी रस्त्यावर मुक्तपणे वावरताना दिसत आहेत. यामुळे नागरिकांना खूप त्रास सहन करावा लागतो. अनेकदा वन्य प्राण्यांमुळे नागरिकांच्या जीवालादेखील धोका निर्माण होतो. असाच एक अपघात बैल आणि बाईकस्वारामध्ये झाला आहे. याचा व्हिडिओ सोशल मीडियावर प्रचंड व्हायरल होत आहे. (Viral Video Of Bull Attack)

व्हायरल व्हिडिओत रस्त्यावर एका बाजूने एक दुचाकीस्वार जाताना दिसत आहे. तर त्याच्याच बाजून एक ट्रक ड्रायव्हर भर वेगात येताना दिसत आहे. दुचाकीस्वाराला आपल्यासोबत काय घडणार आहे याचा जरादेखील अंदाज नव्हता. हा दुचाकीस्वार रस्त्याने जात असताना अचानक एका बाजूने एक बैल प्रचंड वेगात येतो. हा बैल या दुचाकीस्वाराच्या डोक्यावरुन उडी मारुन पळून जातो. अचानक बैल गेल्याने या दुचाकीस्वाराचा बाईकवरचा ताबा सुटतो आणि तो खाली पडतो.

दुचाकीस्वार जेव्हा खाली पडतो तेव्हा बाजूने ट्रक ड्रायव्हर येत असतो. ट्रक ड्रायव्हर भरधाव वेगात असतानाही त्याने प्रसंगावधान दाखवून ट्रक थांबवला. ट्रक थांबल्यामुळे या व्यक्तीचा थोडक्यात जीव बचावला. अन्यथा या व्यक्तीचा जीव गेला असतो. (Bull AttacK Video)

सोशल मीडियावर हा व्हिडिओ प्रचंड व्हायरल होत आहे.@bangalore_premium या सोशल मिडिया हँडलवरुन हा व्हिडिओ शेअर करण्यात आला आहे. हा व्हिडिओ बंगळुरुमधील महालक्ष्मी लेआउटजवळचा आहे. या व्हिडिओवर नेटकऱ्यांनी कमेंट्सचा वर्षाव केला आहे. अनेकांनी ट्रक चालकाने कौतुक केले आहे. (Viral Video)