Viral Video: झाडाच्या फांदीला लटकण्याच्या नादात दरीत पडली तरुणी, धक्कादायक व्हिडीओ व्हायरल

सोशल मीडिया (Social Media) हे असे प्लॅटफॉर्म आहे ज्याठिकाणी एखादा फोटो अथवा व्हिडीओ अवघ्या काही क्षणात व्हायरल होतो आणि चर्चेचा विषय ठरतो. सोशल मीडियावर अनेकदा मजेशीर व्हिडीओ देखील व्हायरल होतात. ज्याला नेटकऱ्यांकडून खूप चांगली पसंती मिळते. या मजेशीर व्हिडीओला खूप चांगले व्ह्यूज देखील मिळतात. सध्या सोशल मीडियावर एक असा व्हिडीओ व्हायरल होत आहे जो चर्चेचा विषय ठरला आहे. हा व्हिडीओ पाहून नेटकरी पोट धरून देखील हसताना दिसत आहेत. एक तरूणी दरीच्या कडेला असलेल्या झाडाच्या फांदीला लटकण्याचा प्रयत्न करते पण तिचा तोल जातो आणि ती दरीत पडते.

व्हायरल होत असलेल्या या व्हिडिओमध्ये दिसत आहे की, काळ्या रंगाची जिन्स आणि टॉप घातलेली एक तरुणी तिच्या मैत्रिणींसोबत डोंगरावर फिरण्यासाठी गेली आहे. यावेळी ही तरुणी एका झाडाच्या फांदीला पकडते आणि त्याला लटकण्याचा प्रयत्न करते. ही तरुणी आपल्या दोन्ही हाताने झाडाची फांदी पकडते. त्यानंतर तरुणीची मैत्रीण तिला ढकलून देते. तेवढ्यात तरूणी पुढे जाते पण तिचा फांदीवरचा हात सुटतो आणि ती थेट दरीत पडते.

घनदाट झाडी असलेल्या या दरीमध्ये तरुणी पडते आणि ती दिसेनाशी होते. तरूणी पडल्याचे पाहून तिच्या मैत्रीणी हसताना दिसतात. तसं पाहयाला गेलं तरी ही घटना खूपच धक्कदायक आहे. व्हिडीओमध्ये फक्त तरुणी पडल्याचे दिसत आहे. पुढे नेमकं काय झाले हे माहिती नाही. ही तरुणी सुखरुप आहे की नाही हे समजू शकले नाही. पण जर तुम्ही सुद्धा अशाठिकाणी फिरायला जात असाल तर अशापद्धतीने स्टंट करू नका. नाही तर ते तुमच्या जीवावर बेतू शकते.

हा मजेदार व्हिडिओ इन्स्टाग्रामवर parbati.dhami नावाच्या अकाऊंटवरून शेअर करण्यात आला आहे. या व्हिडीओवर नेटकऱ्यांनी मजेशीर कमेंट्स केल्या आहेत. या व्हिडीओवर यूजर्सनी कमेंट्स करत लिहिले आहे की, 'ती कुठे गेली आहे?', 'पापा की परी उडाली.', 'ती काहीही करू शकते.', 'पापाची परी उडण्यामध्ये यशस्वी.' या व्हिडिओला दीड लाखांपेक्षा जास्त लाइक्स आणि व्ह्यूजही मिळाले आहेत.