सोशल मीडियावर नेहमीच अनेक अतरंगी व्हिडिओ व्हायरल होत असतात. यातील काही व्हिडिओ असे असतात जे पाहून काळजात अगदी धस्स होतं. लहान मुलांना अगदी डोळ्यात तेल घालून सांभाळावं लागतं. ते कधी काय करतील याचा काहीच भरवसा नसतो. अशात सोशल मीडियावर एक भन्नाट व्हिडिओ व्हायरल झाला आहे.
मूर्ती लहान पण कीर्ती महान ही म्हण तुम्ही अनेकदा ऐकली असेल. या म्हणीचा अर्थ सांगणारी अनेक उदाहरणे देखील पहिली असतील. अशाच एका चिमुकल्या बाळाचा व्हिडिओ सोशल मीडियावर व्हायरल होत आहे. यामध्ये चिमुकला दुचाकीवर आपल्या बाबांसोबत बसला आहे. आता बाबा त्याला घरी नेत आहेत की तो बाबांना घरी नेत आहे असा प्रश्न व्हिडिओ पाहिल्यावर मनात येत आहे.
व्हायरल व्हिडिओमध्ये तुम्ही पाहू शकता की, हा लहान मुलगा आपल्या बाबांसोबत दुचाकीवर बसून स्वतःच दुचाकी चालवत आहे. त्याचे बाबा त्याच्या मागे आरामात बसले आहेत. या घटनेचा व्हिडिओ शेजारी जाणाऱ्या एका व्यक्तिने आपल्या फोनमध्ये कैद केला आहे. बाबा हाताची घडी करून चिमुकल्या मुलाच्या मागे बसलेत. पहिल्यांदा व्हिडिओ पाहून अनेकांना डोळ्यावर विश्वास ठेवणं कठीण जात असेल.
सोशल मीडियावर viral_noon या सोशल मीडिया अकाउंटवर हा व्हिडिओ पोस्ट करण्यात आला आहे. सध्या हा व्हिडिओ सोशल मीडियावर जोरदार व्हायरल होत आहे. काहींनी या चिमुकल्या मुलाचं कौतुक केलं आहे. तर काहींनी या व्हिडिओवर आश्चर्य व्यक्त केलं आहे. तसेच काही नेटकऱ्यांनी संताप व्यक्त केला आहे.
वाहतुकीचे नियम प्रत्येकवेळी आणि प्रत्येक ठिकाणी पाळणे गरजेचं आहे. मात्र काही व्यक्ती वाहतुकीचे नियम सर्रास ढाब्यावर बसवतात. या व्यक्तीने देखील आपल्या मुलासोबत ही स्टंटबाजी केलीये. जर चिमुकल्या मुलाचा तोल गेला असता तर मोठा अनर्थ घडला असता.
या आधी देखील सोशल मीडियावर असाच एक व्हिडिओ व्हायरल झाला होता. यामध्ये दुचाकीच्या मागच्या सीटवर एक व्यक्ती वनसाईड बसला होता. दुचाकी हायवेला जोरदार पळत होती. मात्र गाडी चालवणारा ड्रायव्हरच येथे नव्हता. ड्रायव्हर नसताना देखील ही दुचाकी सुसाट पळत होती.
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.