Viral Video : भावा, मानलं तुला! प्रपोज करण्याचा नवा 'जुगाड', हटके स्टाईल पाहून लोक झाले वेडे, पाहा व्हिडिओ

खरं तर प्रेम कधीही व्यक्त करू शकता. मात्र सोशल मीडियापासून सुरु झालेला आणि तरुणाईला हवाहवासा वाटणारा ट्रेंड म्हणजे व्हॅलेंटाईन वीक. या प्रेमाच्या आठवड्याचा आज शेवटचा दिवस. मनातील भावना व्यक्त करण्यासाठी अनेक तरुण मंडळी या दिवसाची आतुरतेने वाट पाहतात. सोशल मीडियावर प्रपोझ करण्याच्या वेगवेगळ्या स्टाईल सध्या व्हायरल होत आहेत. अशीच एक प्रपोझ करण्याची स्टाईल सध्या चर्चेचा विषय बनली आहे. नेटकरी देखील या हटक्या स्टाईलच कौतुक करत आहेत.

व्हायरल झालेल्या व्हिडिओनुसार, एक तरुण त्याच्या गर्लफ्रेंडला प्रपोझ करण्यासाठी एका पाणी पुरीच्या स्टॉलवर घेऊन जातो. तिथेच पाणी पुरीची कोरडी पुरी घेऊन त्यामध्ये अंगठी टाकतो. त्यानंतर तरुणीला सरप्राईज करत तरुण एका पायावर खाली बसून तरुणीला प्रपोझ करतो.

तरुणाच्या या कृत्याने तरुणी भारावून जाते. तिच्या चेहऱ्यावर हसू खुलतं. आणि बॉयफ्रेंडने दिलेली अंगठी बोटात घालते. त्यांच्या या आनंदाचे क्षण कॅमेऱ्यात कैद झाले आहेत. हा व्हिडिओ इंस्टाग्रामवर muhrat.weddings नावाच्या अकाउंटने पोस्ट केला आहे. या व्हिडिओला २०,००० हून अधिक लोकांनी लाईक केले आहे.

नेटकऱ्यांना व्हिडिओ आणि प्रपोजल दोन्ही आवडले आणि लोकांनी हार्ट इमोजीसह संमिश्र प्रतिक्रिया दिल्या. प्रेमाच्या आठवड्याच्या शेवटच्या दिवशी म्हणजेच व्हॅलेंटाईनला तुम्हाला देखील तुमच्या आवडत्या मित्राला, मैत्रिणीला, क्रशला तुम्हाला प्रपोझ करायचं असेल तर ही हटके स्टाईल नक्की फॉलो करा.