CCTV Footage : कार धुताना तरुणाचा हार्ट अ‍ॅटॅकने मृत्यू; हृदयद्रावक घटनेचा VIDEO व्हायरल

Uttar Pradesh Man Dies After Heart Attack CCTV Video:

उत्तर प्रदेशमध्ये एक धक्कादायक घटना घडली आहे. कार धुत असताना एका तरुणाचा हृदयविकाराच्या झटक्याने मृत्यू झाला आहे. ही घटना सीसीटीव्ही कॅमेरात कैद झाली आहे. अचानक हृदयविकाराच्या झटक्याने मृत्यू तरुणाचा मृत्यू झाल्याने परिसरात खळबळ उडाली आहे. (Viral News In Marathi)

मिळालेल्या माहितीनुसार, ही घटना उत्तर प्रदेशमधील अमरोहा येथे घडली आहे. डिडोली पोलिस स्टेशन हद्दीतील झोया गावात एक तरुण कार धुत होता. यावेळी अचानक कार धुता धुता तरुण जमिनीवर कोसळतो. यावेळी हृदयविकाराच्या झटक्याने त्याचा अचानक मृत्यू झाल्याची माहिती समोर आली आहे. या संपूर्ण घटनेचा व्हिडिओ सीसीटीव्ही कॅमेरात कैद झाला आहे.

व्हिडिओत एक तरुण कार धुताना दिसत आहे. कार धुतल्यानंतर तो कपड्याने कार पुसताना दिसत आहे. त्यानंतर अचानक तो खाली कोसळतो. यावेळी त्याला हृदयविकाराचा झटका आला होता. त्यात या तरुणाचा दुर्दैवी मृत्यू झाला आहे. ही संपूर्ण घटना इमारतीत लावलेल्या सीसीटीव्ही कॅमेरात कैद झाली आहे. तरुणाला हृदयविकाराचा झटका आला तेव्हा त्या ठिकाणी कोणीही उपस्थित नव्हते. त्यामुळेच तरुणाला वेळीच मदत मिळाली नाही. त्यामुळे त्याचा मृत्यू झाला आहे.

उत्तर प्रदेशमध्ये सध्या खूप जास्त थंडी आहे. त्यामुळे थंडीत कार धुतल्याने त्याला त्रास झाला असेल. त्यामुळेच त्याचा हृदयविकाराच्या झटक्याने मृत्यू झाला असावा, असा अंदाज वर्तवण्यात आली आहे.