उत्तरप्रदेशमधून (Uttar Pradesh) एक भीषण अपघाताची घटना समोर आली आहे. उत्तरप्रदेशच्या गोरखपूरमध्ये भरधाव कारने तीन युवकांना जोरदार धडक दिली. या अपघातात दोघांचा जागीच मृत्यू झाला असून एक जण गंभीर जखमी झाला. या भयंकर अपघाताचे सीसीटिव्ही फुटेज सध्या सोशल मीडियावर व्हायरल होत आहे.
याबाबत अधिक माहिती अशी की, रविवारी (१०, मार्च) रात्री गोरखनाथ पोलीस स्टेशन हद्दीतील रामनगर चौकाजवळ एका भरधाव कार चालकाने तिघांना चिरडले. त्यापैकी दोघांचा मृत्यू झाला, तर तिसऱ्याची प्रकृती चिंताजनक असून त्याला रुग्णालयात दाखल करण्यात आले आहे. अपघातानंतर चालक कारसह पळून गेला. ही घटना सीसीटीव्ही कॅमेऱ्यात कैद झाली असून पोलीस सध्या फरार कार चालकाचा शोध घेत आहेत.
मिळालेल्या माहितीनुसार, जाहिदाबाद येथील राहणारे हे तरुण रविवारी रात्री जेवण करून चौकात फिरत होते. याचवेळी पाठीमागून आलेल्या भरधाव कारने या तिघांनाही जोरदार धडक दिली. ही धडक इतकी भीषण होती की तरुण अक्षरश: हवेत उडाले. यामध्ये दोघांचा जागीच मृत्यू झाला तर एकजण गंभीर जखमी झाला आहे.
('साम टीव्ही'चं व्हॉट्सअ‍ॅप चॅनल जॉईन करण्यासाठी येथे क्लिक करा)
मोईन (वय, 42) आणि अकील अहमद (38, रा. जाहिदाबाद, गोरखनाथ) अशी मृतांची नावे आहेत. तर ताहिरची प्रकृती चिंताजनक आहे. या घटनेचा काळजाचा थरकाप उडवणारा व्हिडिओ सध्या समोर आला आहे. यामध्ये गाडीच्या धडकेने तिनही तरुण फुटबॉलसारखे हवेत उडाल्याचे दिसत आहे. दरम्यान, या कारचालकावर गुन्हा दाखल करण्यात आला असून पोलीस सध्या त्याचा शोध घेत आहेत. (Latest Marathi News)
सकाळ+चे सदस्य व्हा
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.