घराबाहेर खेळताना चिमुकलीला ऑटोने उडवले, धक्कादायक घटना कॅमेऱ्यात कैद

Tamilnadu Shocking Video: तामिळनाडू राज्यातील रामनाथपुरम जिल्ह्यातून एक अत्यंत वेदनादायक आणि हृदयद्रावक घटना समोर आली आहे. या घडलेल्या घटनेने संपूर्ण परिसरात हळहळ व्यक्त केली जात आहे. फक्त तीन वर्षांची एका चिमुकलीने रस्त्यावर खेळत असताना आपला जीव गमावला. ही संपूर्ण घटना सीसीटीव्ही कॅमेऱ्यात कैद झाली असून सोशल मीडियावरही वेगाने व्हायरल होत आहे.

घटनेचे संपूर्ण वर्णन

ही दुर्दैवी घटना(Shocking incident) रामनाथपुरम शहरात घडली. एक तीन वर्षांची चिमुकली घरासमोर रस्त्याच्या कडेला खेळत होती. दरम्यान त्याचवेळी एक वेगाने येणारा ऑटोरिक्षा अचानक तिला धडक देतो आणि काही क्षणातच तिच्यावरून चाक जातात. या धडकेनंतर ती जागीच कोसळते आणि तिचा जागीच मृत्यू होतो.

घटना सीसीटीव्हीत कैद

व्हायरल(Viral) होत असलेल्या सीसीटीव्ही फुटेजमध्ये दिसते की, एक चिमकुली अचानक घरातून खेळता खेळता रस्त्यावर येते. त्याचवेळी एक रिक्षा चालकही येतो आणि रिक्षाचालकाला काही समजताच चिमुकली अचानक आल्याने रिक्षाच्या खाली चिरडली जाते. परिसरात असलेल्या नागरिकांमुळे सर्व प्रसंग रिक्षा चालकास समजतो तो रिक्षा थांबवतो. सर्वत्र गर्दी जमते. चिमकुलीची आई रडत रडत त्याच रिक्षात बसत तिला जवळील दवाखान्यात घेऊन जाते.

सीसीटीव्हीमधील दृश्ये अंगावर शहारा आणणारी

या दुर्घटनेची सीसीटीव्ही क्लिप सध्या सोशल मीडियावर प्रचंड व्हायरल होत असून या व्हिडीओने नेटिझन्सना सुन्न केलं आहे. अनेकांनी सोशल मीडियावर संताप व्यक्त करत सुरक्षिततेबाबत प्रश्न उपस्थित केले आहेत. काहींनी पालकांना सावधगिरी बाळगण्याचे आवाहन केले आहे.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.