गुजरातमधील नवसारी जिल्ह्यातील बिलीमोरा येथील सोमनाथ महादेव मंदिर परिसरात रविवारी रात्री एक मोठी दुर्घटना घडली आहे. श्रावण महिन्याच्या शेवटच्या सोमवारी आयोजित केलेल्या जत्रेत ५० फूट उंच टॉवर राईड अचानक खाली पडली, ज्यामुळे राईडवर बसणाऱ्या १० पैकी ५ जण जखमी झाले. या संपूर्ण घटनेचा व्हिडीओ सध्या सोशल मीडियावर व्हायरल होत आहे.
गुजरातमधील नवसारी जिल्ह्यात वेरावळजवळ सोमनाथ महादेवाचे मंदिर आहे. बारा ज्योतिर्लिंगापैकी एक मंदिर आहे. श्रावण महिन्यात सोमवारी येथे मोठी यात्रा भरते. काल शेवटचा सोमवार होता यामुळे भाविकांची येथे मोठी गर्दी होती. दर्शन घेतल्यानंतर भाविक यात्रेत आनंद घेत होते. यात्रेत स्टॉल्स, मोठ मोठे पाळणे देखील होते. दरम्यान ५० फूट उंच टॉवर राईड अचानक खाली पडली ज्यामध्ये १० जण होते त्यापैकी ५ जण जखमी झाले असल्याची माहिती आहे.
जखमींना तातडीने जवळच्या रुग्णालयात दाखल करण्यात आले, या अपघातात दोन मुलांसह पाच जण जखमी झाले. तर राईड ऑपरेटरची प्रकृती गंभीर असल्याने त्याला सुरतमधील एका खाजगी रुग्णालयात नेण्यात आले आहे. सोमवारी संध्याकाळी झालेल्या अपघातात राईड कोसळल्यानंतर गोंधळ उडाला.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.