Shocking Viral Video: नागपुरात दुर्दैवी घटना! डोक्यावर फळी पडून वृद्धाचा मृत्यू; घटना सीसीटीव्हीत कैद

Elderly Man Death: नागपुर शहरात एक दुर्दैवी घटना घडली आहे, ज्यात एका वृद्ध व्यक्तीच्या डोक्यावर बांधकाम सुरू असलेल्या इमारतीवरून लाकडाची फळी पडल्याने त्यांचा मृत्यू झाला. ही घटना अंबाझरी पोलीस ठाणे हद्दीत घडली असून संपूर्ण दुर्घटना सीसीटीव्हीमध्ये कैद झाली आहे.

सीसीटीव्हीत कैद झालेला मृत्यू!

व्हिडिओत (Video) स्पष्टपणे तुम्हाला दिसून येईल,एक बांधकाम सुरु असलेली इमारत आहे. जिथे अनेक कामगार काम करण्यात व्यस्त असतात. दरम्यान एक वयोरुद्ध व्यक्ती बाहेर जाण्यासाठी या इमारतीमधून वाट काढत जात असतो. जसे ते इमारतीच्या बाहेर जात असतात, त्याच क्षणी इमारतीच्या उंचावर एक लाकडी फळ त्या व्यक्तीच्या डोक्यात पडते आणि जे जागीच कोसळले जातात.

वयोरुद्ध व्यक्तीला पाहिल्यानंतर एक कामगार धावत त्यांच्याजवळ जातो आणि त्यांना उठवण्यातचा प्रयत्न करतो. पण डोक्यावर फळी पडल्याने जागीच त्यांचा मृत्यू होतो. सर्व ही घटना इमारतीच्या सीसीटीव्ही(CCTV) कॅमेऱ्यात कैद झालेली आहे.

नेमकी कोणाची चुक?

घडले असे की, इमारतीमध्ये काम करत असलेला मजूर सागर बांधकाम सुरू असलेल्या इमारतीवरून लाकडाच्या फळ्या खाली फेकत होता. त्यानंतर त्याने खाली न पाहताच बेजबाबदारपणे एक फळी खाली फेकली आणि ती फळी सुखदेव यांच्या डोक्यावर पडली. यामुळे त्यांचे डोके फुटले आणि ते गंभीर जखमी झाले.

त्यानंतर रुग्णालयात उपचारादरम्यान त्यांचा मृत्यू झाला. सुखदेव बळीराम आसवले असे मृताचे नाव आहे, तर सागर प्रेमचंद पाटील असे आरोपी मजुराचे नाव आहे. या प्रकरणात अंबाझरी पोलिसांनी एका मजुरावर सदोष मनुष्यबदाचा गुन्हा नोंदवला आहे.

टीप: नागपूरमधील हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.