Viral stunt video: अलीकडे सोशल मीडियावर धोकादायक स्टंटचे व्हिडिओ मोठ्या प्रमाणावर व्हायरल होत आहेत. बरेचजण काही क्षणांच्या प्रसिद्धीसाठी स्वत:चे प्राण धोक्यात घालायला तयार झाले आहेत. त्यातच नुकताच एक व्हिडिओ समोर आला आहे, ज्यात एका युवकाने दुचाकीवर इतका जीवघेणा स्टंट केला की पाहणाऱ्यांचे हृदय थरथरले. या व्हिडिओवरुन एकच प्रश्न पडतो, याला मृत्यूचीही भीती नाही का?
या व्हिडिओमध्ये दिसणारा तरुण रस्त्यावर वेगात दुचाकी चालवत आहे. मात्र, केवळ अति वेग नाही, तर तो बिनाहेल्मेट आणि कोणत्याही सुरक्षेच्या साधनांशिवाय स्टंट (Bike Stunt)करताना दिसतोय. धक्कादायक म्हणजे तो दुचाकीच्या एका बाजूला बसत स्टंट करत आहे. स्टंटची दृश्यं पाहून अंगावर काटा येतो. इतकं धाडस की क्षणभरही चुकलं असतं, तर मोठा अपघात होण्याची शक्यता होती.
हा घडलेला प्रकार नक्की कुठल्या शहरातील आहे ते अद्याप समजलेले नाही. मात्र, संपूर्ण देशभरात या व्हिडिओची चर्चा होत आहे. एक्स सोशल मीडिया प्लॅटफॉर्मवर हा व्हिडिओ १२ तासांपूर्वी व्हायरल होताच लाखोंच्या घरात व्हिडिओ पाहिला गेला असून अनेक लाईक्सही मिळालेले आहेत.
सोशल मीडियावर वारंवार असे व्हिडिओ(Viral Video) व्हायरल होताच नागरिकांकडून अनेत संतापजनक प्रतिक्रिया येतात. याही व्हिडिओवर अनेक प्रतिक्रिया आलेल्या आहेत. त्यातील काही यूजर्संनी म्हटलं की,''पोलिसांनी बांबूचे चांगलेच फटके देयला पाहिजे'' तर काहींनी म्हटलं आहे की,''हे सुधारणार नाहीत'' शिवाय काहींनी ''फक्त बघा काही म्हणू नका'' अशा मजेशीरही प्रतिक्रिया दिल्या आहेत.
टीप: स्टंटचा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.