Viral Video: शाहरुख खान सोबत 'छोटा पाहुणा', सुट्टीनंतर मुंबईत परतताना सुंदर क्षण, पाहा व्हायरल VIDEO

बॉलिवूडचा बादशाह शाहरुख खान कुटुंबासोबत अलिबागमधील फार्महाऊसवर सुट्टी घालवून मुंबईत परतला आहे. यावेळी शाहरुख आपल्या पत्नी गौरी खान, मुलगी सुहाना, आणि लहान मुलगा अबरामसोबत दिसला. या प्रवासात कुटुंबात एक नवीन सदस्यही सामील झाला, जो म्हणजे त्यांच्या घराचा पाळीव श्वान.

शाहरुख खानने स्वतः त्याला हातात उचलले होते. बोटीतून उतरल्यानंतर शाहरुख आपल्या लाडक्या पिल्लाला हातात घेत गाडीत बसला. प्रवासादरम्यान, शाहरुखने पापाराझी आणि चाहत्यांपासून स्वतःला लपवण्यासाठी काळ्या रंगाच्या लांब जॅकेटने झाकून घेतले होते. यावेळी हा गोड क्षण चाहत्यांसाठी चर्चा का विषय ठरला.

शाहरुख खान आणि त्याच्या कुटुंबाने अलिबागमधील फार्महाऊसवरची सुट्टी संपवून मुंबईत परतल्यावर सोशल मीडियावर मोठी चर्चा रंगली आहे. शाहरुखच्या पाळीव कुत्र्याच्या गोड फोटोंनी इंटरनेटवर धुमाकूळ घातला आहे. अनेक चाहत्यांनी त्याला 'क्यूट' म्हणून कमेंट केल्या आहेत. यावेळी सुहाना खान आणि तिचा कथित बॉयफ्रेंड, अभिनेता अगस्त्य नंदा यांचाही एकत्र फोटो सोशल मीडियावर फिरत आहे.

अगस्त्य ब्लॅक टी-शर्ट आणि ब्लू डेनिममध्ये मस्त दिसत होता, तर सुहाना ब्लॅक क्रॉप टॉप आणि ब्लू डेनिममध्ये आकर्षक दिसली. सुहाना दुसऱ्या गाडीतून घरी निघाली, आणि चाहत्यांनी त्यांचे व्हिडिओ एक्सवर शेअर केले, जे तुफान व्हायरल झाले आहेत.

शाहरुख खान दरवर्षी आपल्या बिझी शेड्यूलमधून वेळ काढून कुटुंबासोबत सुट्टी घालवतो. यावेळी, ख्रिसमसच्या सेलिब्रेशनसाठी त्याने कुटुंब आणि मित्रांना अलिबागमधील आपल्या फार्महाऊसवर घेऊन जाताना आनंद घेतला. पण, या फॅमिली टाइममध्ये शाहरुखचा मुलगा आर्यन खान उपस्थित नव्हता, ज्यामुळे चाहत्यांनी 'आर्यन कुठे आहे?' असा प्रश्न विचारला. अनेकांनी अनुमान व्यक्त केले की, आर्यन सध्या एका वेब सीरिजच्या शूटिंगमध्ये व्यस्त आहे आणि त्यामुळे तो कुटुंबासोबत हा वेळ घालवू शकला नाही. आर्यन लवकरच त्याच्या प्रोजेक्टसह प्रेक्षकांच्या भेटीला येणार असल्याची माहिती आहे.