Fact Check : एका बाटलीवर एक बाटली दारू फ्री! खरंच दारू स्वस्त झालीय का? व्हायरल व्हिडिओमागचं सत्य काय?

दारू महाग होवो नाहीतर स्वस्त... दारू पिणार्‍यांची कमी नाही... हा व्हिडिओ पाहा... दारूसाठी दुकानाबाहेर रांगा लागल्यायत... आपला नंबर कधी येतोय आणि आपल्याला बॉटल किती मिळतील हीच कुजबूज ऐकू येतेय...

कारण, एकावर एक फ्री अशी या दारू दुकानदाराने ऑफर ठेवलीय... त्यामुळे तळीराम दारूसाठी तुटून पडलेयत... जे एक बॉटल घेणारे फ्रीवाल्या ऑफरमुळे बॉक्स बॉक्स घेऊन चाललेयत... बघा, या व्यक्तीच्या चेहर्‍याकडे... आपल्याला स्वस्तात दारूचा अख्खा बॉक्स मिळाल्याचं समाधान त्याच्या चेहर्‍यावर दिसतंय... मात्र, रांगेत उभे असलेले टेन्शनमध्ये आलेयत... बॉक्स बॉक्स दारू सगळेच घेऊन जाऊ लागले तर आपल्यासाठी शिल्लक राहिल ना? हाच विचार यांच्या मनात येत असावा...हा व्हिडिओ व्हायरल होत असल्याने नेटकरीही पत्ता विचारतायत... त्यांनाही उत्सुकता लागलीय की एकावर एक फ्री ऑफर का लावलीय...? असे अनेक प्रश्न उपस्थित होत असल्याने याची सत्यता सांगणं गरजेचं आहे...

दारू ही आरोग्यास हानिकारक आहे...आम्हीही याचं समर्थन करत नाही... मात्र, हे दुकान आहे तरी कुठलं...? आपल्या महाराष्ट्रातील हा व्हिडीओ आहे का...? हे जाणून घ्यायची इच्छा अनेकांना असावी... त्यामुळे आम्ही या व्हिडिओची पडताळणी सुरू केली... व्हिडिओसोबतच्या मेसेजमध्ये काय दावा केलाय पाहुयात...

बघा, दारू एकावर एक फ्री केल्यावर दुकानांवर गर्दी झालीय.लोक बॉक्स घेऊन जात असल्याने स्टॉक लगेच संपतोय. हा मेसेज आणि व्हिडिओ व्हायरल होतोय... त्यामुळे आम्ही या व्हिडीओची पडताळणी सुरू केली... याबाबत अधिक माहिती वाईन शॉप्सवरच मिळू शकते... आमचे प्रतिनिधींनी याबाबत माहिती मिळवली असता, व्हायरल व्हिडिओमागचं सत्य समोर आलं...

उत्तर प्रदेशच्या नोएडातील हा व्हिडिओ

अलीकडे ई-लॉटरीद्वारे दुकानांचे वाटप झाले

जुन्या दारू दुकानांचा ई-लॉटरीत नंबर लागला नाही

31 मार्चपर्यंत स्टॉक संपवण्याची अट

दारू संपली नाही तर सरकार जमा केली जाणार

आपलं नुकसान होऊ नये यासाठीच दिल्लीप्रमाणे नोएडातील अनेक दारू दुकानांनी स्टॉक संपवण्यासाठी ऑफर सुरू केली... त्यामुळे दारू घेण्यासाठी रांगा लागल्या...आमच्या पडताळणीत व्हायरल व्हिडिओ महाराष्ट्रातील नसून उत्तर प्रदेशातील असल्याचं समोर आलं...