नाशिक शहरात काही दिवसांपासून वीज वितरण कंपनीच्या कर्मचाऱ्यांची स्मार्ट मीटर बसवण्यासाठी जबरदस्ती सुरू असल्याचा प्रकार सुरू आहे. तुमचे मीटर बदलून घ्या आणि नवीन मीटर लगेचच बसवून घ्या नाहीतर, वीज वितरण कंपनीचे कर्मचारी तुमची वीज खंडित करतील आणि नंतर स्मार्ट मीटर बसविण्यासाठी तुम्हाला साडे बारा हजार रुपये द्यावे लागतील अशी बंडल मारत आहे.यामुळे नाशिककर हे संभ्रम अवस्थेत आहेत.
विशेष म्हणजे या स्मार्ट मीटरबाबत संबंधित वीज वितरण कंपनी अधिकारी वर्ग प्रतिक्रिया देण्यास टाळाटाळ करीत आमच्यावर देखील मुंबई कार्यालायातून दबाव असल्याचे जाहीरपणे सांगत आहे. वीजमीटर बदलताना ग्राहकांना या प्रकारची कुठलीही माहिती न देता थेट स्मार्ट मीटर बसविण्याचे काम काही ठेकेदार आणि कर्मचारी करत आहेत. या स्मार्टमीटरबाबत मुख्यमंत्री देवेंद्र फडणवीस यांनीदेखील ग्राहकांच्या परवानगीशिवाय वीज मीटर बदलू नका अशा सूचना दिल्या आहे. तरी देखील स्मार्ट लावण्याची ओवरस्मार्टगीरी नाशिकमध्ये उघडपणे सुरू आहे.
ग्राहकांसोबत दादागिरीची भाषा
संबंधित ठेकेदार ग्राहकांना आम्ही स्मार्ट मीटर बसविणार,तुम्हाला जिथे तक्रार करायची असेल तिथे करा, आता जुने मीटर बदलून स्मार्ट मीटर लावले,तर आम्ही परत येणार नाही. तसेच स्मार्ट मीटर न लावल्यास वीज वितरण कंपनी कर्मचारी तुमचे मीटर काढून नेतील किंवा तुमची वीजजोडणी खंडित करतील, असे खोटे सांगून नाशिककरांची दिशाभूल करीत आहेत.
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.