Accident Video : ऑफिसला जाताना कंटेनर 'यम' बनून आला, सॉफ्टवेअर इंजिनिअरचा चेंदामेंदा, व्हिडिओ पाहून थरकाप उडेल

software engineer killed in truck container crash : कर्नाटकातील चित्तूर-बेंगळुरू राष्ट्रीय महामार्गावर थरकाप उडवणारा अपघात झालाय. धावता कंटेनर महामार्गावर एका कारवर कोसळला. या अपघातात कारचा चेंदामेंदा झाला असून २८ वर्षीय सॉफ्टवेअर इंजिनिअरचा जागीच भयंकर मृत्यू झालाय. या घटनेचा व्हिडिओ समोर आला आहे. पोलिसांनी या प्रकरणी गुन्हा दाखल केला आहे आणि अपघाताचा तपास सुरू आहे.

शुक्रवारी सकाळी झालेल्या या भीषण अपघातात २८ वर्षीय सॉफ्टवेअर इंजिनिअर अनुदीपचा मृत्यू झाला. अपघाताचा थरकाप उडवणारा व्हिडिओ समोर आलाय. वेगात असणारा ट्रक कंटेनर अचानक उजवीकडे झुकला आणि अनुदीपच्या कारवर कोसळला. त्यामुळे कार पूर्णपणे चिरडली गेली. अपघात इतका भीषण होता की अनुदीपचा जागीच मृत्यू झाला. अनुदीप हा चित्तूरजवळील गुडीपाला मंडळातील रामापुरम गावचा रहिवासी होता.

अनुदीप हा बंगळुरूमधील एका आयटी कंपनीत कामाला आहे. तो शुक्रवारी कामासाठी घराबाहेर पडला. कारमधून तो आयटी कंपनीत कामावर जात होता. पण काही क्षणातच काळाने घाला घातला. व्हिडिओमध्ये ट्रक कंटेनर अचानक त्याच्या कारवर कोसळल्याचे दिसतेय. ट्रक कंटेनरचा तोल जात असल्याचे पाहून अनुदीपने कार एकाच जागेवर रोखली होती. पण नियतीने घात केला. प्रत्यक्षदर्शीने सांगितले की अपघातापूर्वी ट्रकचा तोल गेला होता. त्यात कारचा चेंदामेंदा झाला. या भयंकर अपघाताची माहिती मिळताच पोलिसांनी घटनास्थळावर धाव घेतली. पोलिसांनी ट्रक चालकाला ताब्यात घेतले असून तपास करण्यात येत आहे.

पोलिसांनी या अपघात का आणि कसा झाला? याचा तपास सुरू केला आहे. पोलिसांकडून सीसीटीव्ही फुटेज तपासण्यात येत आहे. पोलिसांच्या प्राथमिक तपासानुसार, कंटेरनचा वेग अतिशय होता असे दिसून आले. त्याशिवाय कंटेरन वेगात असल्याने एका बाजूला झुकल्याचे व्हिडिओत दिसतेय. यांत्रिक बिघाड किंवा चालकाचा निष्काळजीपणा होता का? याचा पोलिस अधिक तपास करत आहेत. अपघातानंतर महामार्ग बराच काळ बंद होता. पोलिसांनी मातीकाम करणाऱ्या यंत्रांच्या साहाय्याने कंटेनर बाजूला केला आणि वाहतूक पूर्ववत केली.