Fact Check : कोरोनाच्या लसीमुळे हार्ट अटॅकचा धोका? काय आहे व्हायरल मेसेजमागचं सत्य? VIDEO

तुम्ही कोरोनाची लस घेतली असेल तर ही बातमी तुमच्यासाठी अत्यंत महत्त्वाची आहे...कारण, आता कोरोना लसीमुळे हार्ट अटॅक येऊ शकतो असा दावा करण्यात आलाय...खरंच कोरोना लसीमुळे आरोग्यावर परिणाम होतायत का...? याची आम्ही पडताळणी केली...त्यावेळी काय सत्य समोर आलं पाहुयात...

या व्हिडिओत दावा करण्यात आलाय कोरोना झालेल्यांना आणि कोरोनाची लस घेतलेल्यांमध्ये हार्ट अटॅकचा धोका वाढलाय...खरंच हा दावा खरा आहे का...? कोरोना लसीचे इफेक्ट आता होऊ लागलेयत का...? याची सत्यता जाणून घेणं गरजेचं आहे.

आता ही तरुणी बघा, डान्स करत असतानाच ही तरुणी खाली कोसळली आणि डोळ्यादेखत तिचा मृत्यू झाला...हार्ट अटॅक आल्यामुळे तिचा मृत्यू झाल्याचा दावा करण्यात आलाय...जगभरात कोरोनाचं संकट ओढावलं होतं...त्यावेळी याच लसीसाठी लोक रांगा लावत होते...मात्र, आता कोरोना काळात घेतलेल्या लसीचे गंभीर परिणाम जाणवत असल्याचा दावा केल्यानं लोकांच्या मनात भीती निर्माण झालीय...खरंच या दाव्यात तथ्य आहे का...? याची सत्यता जाणून घेणं गरजेचं आहे...याबाबत अधिक माहिती डॉक्टर देऊ शकतात...त्यामुळे आमचे प्रतिनिधी डॉक्टरांना भेटले...त्यांना व्हायरल मेसेज दाखवून यामागचं सत्य जाणून घेतलं.

त्यामुळे आमच्या पडताळणीत काय सत्य समोर आलं पाहुयात...

साम इन्व्हिस्टिगेशन

⁠कोरोना लस घेतल्यानंतर रक्ताच्या गुठळ्या होण्याचं प्रमाण वाढलं

कोरोना झालेल्यांनाही अनेक प्रकारचा त्रास जाणवतोय

विशेष म्हणजे याची कोणतीही पूर्वकल्पना रुग्णाला मिळत नाही

अचानक हृदयविकाराचा तीव्र झटका येण्याच्या घटना वाढल्या

चालताना श्वास घेण्यास त्रास होत असल्यास तत्काळ तपासणी करावी

अतिप्रमाणात एक्सरसाईज करू नका

तुम्ही कोरोनाची लस घेतली असेल आणि श्वास घेण्यास त्रास होत असल्यास डॉक्टरांचा सल्ला घ्या...आमच्या पडताळणीत कोरोना लसीमुळे हार्ट अटॅकचं प्रमाण वाढल्याचा दावा सत्य ठरलाय.