मराठमोळ्या ठसक्यात तरुणीचा जोरदार डान्स; 'चाळ माझ्या पायांत' गाण्यावर दिला धमाकेदार परफॉर्मन्स

Viral Dance Video: सध्या सोशल मीडियावर एक व्हिडीओ वाऱ्याच्या वेगाने व्हायरल होतोय. 'चाळ माझ्या पायांत, पाय माझे तालात' या पारंपरिक मराठमोळ्या गाण्यावर एका तरुणीने असा ठसकेबाज नृत्य परफॉर्मन्स केला की, पाहणाऱ्यांच्या अंगावर अक्षरशः शहारे येत आहेत. नेटकऱ्यांनी या डान्स व्हिडीओवर कौतुकाचा वर्षाव केला आहे आणि 'हीच खरी मराठमोळी कला' अशा शब्दांत प्रतिक्रिया दिल्या आहेत.

पारंपरिक लूक, पारंपरिक ठसा

व्हायरल व्हिडीओमध्ये, दिसणारी ही तरुणी पारंपरिक नऊवारी साडी, गजरा, कुंकू आणि हलकी नथ परिधान करून डान्स(Dance) करताना दिसते. तिच्या चेहऱ्यावरचा आत्मविश्वास आणि देहबोलीतला मराठमोळा ठसा लक्ष वेधून घेतो. ती डान्स करत असताना, तिच्या प्रत्येक हालचालीत गाण्याचा ठेका, शब्दांची झुळूक आणि शुद्ध लय दिसते. ही केवळ एक डान्स परफॉर्मन्स नसून, तो एक संस्कृतीचा उत्सव वाटतो.

सोशल मीडियावरचा जल्लोष

हा व्हिडीओ फेसबुक, इन्स्टाग्राम, युट्यूब अशा विविध प्लॅटफॉर्म्सवर व्हायरल झालाय. लाखो लोकांनी तो पाहिला असून हजारो नेटकऱ्यांनी कमेंट्स केल्या आहेत. सध्या हा व्हिडिओ इन्स्टाग्रामवरील nehapatil1507 या अकाउंटवर अपलोड करण्यात आलेला आहे.

डान्स व्हिडिओ व्हायरल(Viral) होताच बऱ्याच नेटकरी वर्गातून अनेक प्रतिक्रियाही आलेल्या आहेत. एका यूजरने म्हटलं,''सभ्यता. सुंदरता. संगीताचा आदर. कुठल्याही अंग प्रदर्शन नाही. अप्रतिम ताई'' दुसऱ्या यूजरनं म्हटलं,''यालाच म्हणतात मराठी बाणा'' अशा अनेक प्रतिक्रिया आलेल्या आहेत.

टीप: हा व्हिडीओ सोशल मीडियावर व्हायरल होत आहे. याची पडताळणी झालेली नाही. फक्त माहिती म्हणून आम्ही वाचक-प्रेक्षकांपर्यंत ही बाब पोहचवत आहोत. याचं आम्ही कोणत्याही प्रकारे समर्थन करत नाही.