बापलेकीचे नाते हे खूप जास्त स्पेशल असते. वडील आपल्या लेकीसाठी काहीही करायला तयार असतात. त्यांचे आपल्या मुलीवर खूप जास्त प्रेम असते. बाप आपल्या मुलीच्या प्रत्येक दिवसाला अजूनच स्पेशल बनवण्याचा प्रयत्न करत असतो. त्यात तिच्या वाढदिवशी तिला काही न काही सरप्राईज देत असतो. एक वडिलांनी आपल्या लेकीच्या वाढदिवशी चक्क त्यांची रिक्षाची फुग्यांनी सजवली आहे. याचा व्हिडिओ सोशल मीडियावर प्रचंड व्हायरल होत आहे.
व्हायरल व्हिडिओत (Viral Video Of Auto Rickshaw Driver )एका रिक्षात फुगे लावल्याचे दिसत आहे. रिक्षात फुगे लावण्याचे कारण म्हणजे रिक्षाचालकाच्या मुलीचा वाढदिवस. रिक्षाचालकाच्या मुलीचा वाढदिवस अनोख्या पद्धतीने सेलिब्रेट केला आहे. मिळालेल्या माहितीनुसार, बंगळुरुतील एका रिक्षाचालकाने लेकीच्या वाढदिवसासाठी रिक्षा सजवली आहे. या व्हिडिओला सोशल मीडियावर नेटकऱ्यांनी पसंती दिली आहे.
Sumedha Uppal या एक्स अकाउंटवरुन हा व्हिडिओ शेअर करण्यात आला आहे. एक महिला रिक्षातून जात असताना तिने हा व्हिडिओ शूट केला आहे. या व्हिडिओवर नेटकऱ्यांनी लाईक्स आणि कमेंट्सचा वर्षाव केला आहे. बापलेकीचं प्रेम ही जगातील सर्वात सुंदर गोष्ट. बाप आपल्या लेकीसाठी काहीही करु शकतो, अशा कमेंट्स या व्हिडिओवर आल्या आहेत.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.
