कानपूरच्या गरीब रथ एक्सप्रेसच्या दरम्यान काल रात्री मोठी घटना घडली आहे. चालू ट्रेनमध्ये चढताना एक ६५ वर्षीय महिला थोडक्यात बचावली आहे. चालत्या ट्रेनमध्ये ही महिला चढण्याचा प्रयत्न करत असताना पाय घसरून पडली आहे. मात्र रेल्वे आरपीएफच्या मदतीने वेळीच या महिलेचा जीव वाचला आहे. महिलेला सुखरूप बाहेर काढून रूग्णालयात दाखल करण्यात आले आहे. यासंपूर्ण घटनेची माहिती महिलेच्या कुटुंबियांना देखील देण्यात आली आहे.
रविवारी रात्री कानपूर रेल्वेस्थानकाच्या प्लॅटफॉर्म क्रमांक ५ वर गरीब रथ एक्सप्रेस आली होती. दरम्यान ६५ वर्षीय महिमा गंगवार या एक्सप्रेस सुरू असताना चढत होत्या. ट्रेन सुरू असताना चढल्याने महिमा या रेल्वे रूळावर पडल्या. रेल्वेस्थानकातील लोकांना समजताच येथे गोंधळ उडाला. त्यानंतर प्रवाशांनी आरपीएफला मदतीसाठी बोलावले. रेल्वे आरपीएफने महिलेला सुखरूपरित्या बाहेर काढले आहे. या महिलेला कोणतीही दुखापत झाली नाही. सीसीटिव्हीमध्ये ही संपूर्ण घटना कैद झाली आहे.
सीसीटिव्ही व्हिडीओमध्ये तुम्ही पाहू शकता, एक्सप्रेस रेल्वेस्थानकातून सुरू झाली असताना एक महिला चढत आहे. दरम्यान चालू ट्रेनमध्ये महिला चढताना ती रेल्वेरूळावर पडते आहे. महिलेला वाचवण्यासाठी सर्वांची धावपळ सुरू आहे. रेल्वेचे आरपीएक महिलेला सुखरूप रित्या बाहेर काढताना दिसत आहे. यानंचर महिलेला रूग्णालयात दाखल केले आहे.
घडलेली घटना ही अतिशय धक्कादायक आहे. वेळीच सावधगिरी बाळगली नसती तर महिलेला जीव देखील धोक्यात जाऊ शकत होता. रेल्वेतर्फे अनेकदा सांगूनही प्रवासी चालू रेल्वे चढण्याचा प्रयत्न करता यामुळे अशा घटना घडत असल्याचे चित्र दिसत आहे
सकाळ+चे सदस्य व्हा
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read Marathi news and watch Live TV. Breaking news from Maharashtra, India, Pune, Mumbai, Politics, Entertainment, Sports, Lifestyle at SaamTV. Get Live Marathi news on Mobile. Download the Saam Tv app for Android and IOS.