Sambhajinagar : शिवजयंती सोहळ्यात लॉरेन्स बिश्नोईचं पोस्टर, संभाजीनगरात तरूणाला ठोकल्या बेड्या|VIDEO

Chhatrapati Sambhajinagar Crime News : छत्रपती संभाजीनगरमध्ये छत्रपती शिवाजी महाराजांच्या जयंती सोहळ्यात कुख्यात गँगस्टर लॉरेन्स बिश्नोईचे पोस्टर झळकावणाऱ्या तरुणास क्रांती चौक पोलिसांनी अटक केली आहे. दर्शन ऊर्फ विशाल श्याम पवार साळुंखे असे ताब्यात घेतलेल्या तरुणाचे नाव आहे. क्रांती चौक येथे शिवजयंतीच्या सोहळ्यात त्याने धर्मो धर्म रक्षित असे लिहून त्याखाली आक्षेपार्ह मजकूर लिहिलेला होता. याबाबत माध्यमांनी टीकेची झोड उठवल्यानंतर गुरुवारी पोलिसांनी आरोपीचा शोध घेऊन त्यास अटक केली आहे. या पोस्टरबाजीवर सर्वच स्तरातून प्रचंड संतप्त प्रतिक्रिया समोर येत होत्या. राज्यभरात हे प्रकरण जोरदार गाजलेले बघायला मिळाले. छत्रपती शिवाजी महाराजांच्या सोहळ्यात एका कुख्यात गैंगस्टरचे उदात्तीकरण कसे केले जाते? असा सवाल उपस्थित करण्यात येत होता. त्याचबरोबर दुर्लभ कश्यपनंतर आता शहरात नव्या गुन्हेगाराची फॅन फॉलोइंग तयार होत आहे का ? असाही प्रश्न निर्माण होत होता. ("Chhatrapati Sambhajinagar: Police Arrest Man for Displaying Gangster Lawrence Bishnoi's Poster During Shivaji Maharaj Celebrations"

)