Raj Thackeray : ठाकरे बंधु एकत्र येणार? राज ठाकरेंनी बैठकीत काय केल्या सूचना, पाहा Video

मनपा निवडणुकीच्या तयारीला लागा असे आदेश मनसे अध्यक्ष राज ठाकरे यांनी कार्यकर्त्यांना दिले आहे. पक्षाची कामं जनतेपर्यंत पोहोचवा आणि निवडणुकीच्या कामाला लागा असे आदेश राज ठाकरे यांनी दिले आहेत. आज राज ठाकरे यांनी मनसे नेत्यांची बैठक् बोलावली होती. यावेळी त्यांनी या सूचना केल्या आहे.

विधानसभा निवडणुकीच्या पराभवानंतर आता राज ठाकरे यांनी मनपा निवडणुकीसाठी कंबर कसली आहे. यासाठी आज त्यांनी मनसे नेत्यांची बैठक घेतली आहे. या बैठकीत त्यांनी मनपा निवडणुकीची तयारी करण्याच्या सूचना कार्यकर्त्यांना दिल्या आहेत. तसंच संघटना बळकट करण्याचे आदेश देखील देण्यात आले आहे. विधानसभा निवडणुकीत जे झालं ते विसरा, मनपा निवडणुकीच्या तयारीला लागा असंही राज ठाकरे यांनी म्हटलं आहे. लवकरच पक्ष संघटनेत बदल करण्यात येणार आहे. पालिका निवडणुकी आधी मनसेची टीम राजकीय आढावा घेणार आहे. कोणत्या राजकीय पक्षाशी युती करायची यावरही चर्चा केली जाणार आहे, असं राज ठाकरे यांनी या बैठकीत नेत्यांना सांगितलं आहे.