Raju Patil News : आम्ही सतत पाठिंबा द्यायला बसलेलो नाही, राजू पाटील यांचा महायुतीला इशारा?

आम्ही सतत पाठिंबा द्यायला बसलो नाही असे विधान मनसे आमदार राजू पाटील यांनी केले आहे. तसेच पक्षाचे काम करा, पक्षविरोधात काम केल्यावर कारवाई करू अशी तंबीही पाटील यांनी कार्यकर्त्यांना दिली आहे. कल्याणमध्ये झालेल्या मेळाव्यात राजू पाटील म्हणाले की कल्याण डोंबिवलीच्या मनसेच्या समन्वयकांची यादी लवकरचा जाहीर होईल, त्यांच्याशी आम्ही संपर्क साधू, शिवसेनेने थेट संपर्क साधू नये, पुढे आमच्याही निवडणुका आहेत आम्ही सतत पाठिंबा द्यायला बसलेलो नाही असे म्हटल्यावर सभागृहात एकच हशा पिकला. तसेच पक्षविरोधी कारवाया केल्या तर कारवाई करू असा इशाराही पाटील यांनी कार्यकर्त्यांना दिला आहे.