भारत-पाकिस्तानमध्ये शस्त्रसंधी, अमेरिकेनेच मध्यस्थी का केली?Explainer Video

अखेर दोन देशातील म्हणजेच भारत आणि पाकिस्तानमधील युद्धाला विराम लागला आहे. याबाबतची माहिती अमेरिकेचे अध्यक्ष डोनाल्ड ट्रम्प यांनी आपल्या एक्स अकाऊंटवर ट्विट करत दिली. पाकिस्तानने पोसलेल्या दहशतवाद्यांनी 22 एप्रिल रोजी भारताचे नंदनवन असलेल्या काश्मीर येथील पहलगाममध्ये आपल्या माय भगिनींचे कुंकू पुसले होते.

यानंतर संपूर्ण देशाचे रक्त खवळले, आणि काही दिवसातच भारतीय सैन्याने ऑपरेशन सिंदूर राबवत पाकिस्तानी दहशतवाद्यांना यमसदनी धाडले. त्यानंतर दोन्ही देशांमध्ये युद्धजन्य परिस्थिती निर्माण झाली. या सर्व प्रकरणात जगातील बलाढ्य देश असणाऱ्या अमेरिकेने मध्यस्थी करत या संघर्षाला अखेर विराम दिला.

याबाबत सकाळ माध्यम समूहाचे संपादक डॉ निलेश खरे यांनी विश्लेषण केले. भारत आणि पाकिस्तानमधील या युद्धजन्य परिस्थितीला विराम लागला असला तरी भारताने काही अटी-शर्ती लावल्या आहे. जर येणाऱ्या काळात पुन्हा पाकिस्तानने दहशतवाद्यांच्या मदतीने काश्मीरवर हल्ला केला तर हे युद्धा मानले जाईल अशी सक्त ताकीद भारताने दिली आहे.

मागच्या 48 तासांपासून पाकिस्तानमध्ये महागाईचे दर हे गगनाला भिडले होते. पेट्रोल पंप बंद करून साठा वाचवला जात होता. तसेच IMA कडे पाकिस्तानने गुडघे टेकवत भीक मागायला सुरुवात केली होती. पाकिस्तानच्या एका वृत्तपत्रानुसार त्या देशात खाण्याचे वांदे सुरू होण्याची भीती होती. यामुळे कुठेतरी अमेरिकेने दयेची भीक घालत यावर चर्चा केली आणि युद्धाला विराम दिला.