पुढचा पंतप्रधान कोण? 'छात्रों की गुंज'मध्ये तरुणीनं थेट नाव घेतलं, काय म्हणाली ही तरुणी? पाहा VIDEO

भाजपमुळे शिक्षण व्यवस्था घाण झालीय, अशी भावना व्यक्त करतानाच, डीग्री विकत घ्यावी लागते, अशी व्यथा एका तरुणीनं मांडलीय. ही तरुणी पुण्यात राहुल गांधींच्या उपस्थितीत होणाऱ्या छात्रों की गुंज या कार्यक्रमासाठी आली होती. शिक्षण व्यवस्थेवर बोट ठेवताना या तरुणीनं आक्रमक भूमिका मांडली.

ही तरुणी म्हणाली की, ''आम्हाला सुशिक्षित पंतप्रधान हवा आहे. आम्हाला असुशिक्षित पंतप्रधान नको. आता आम्हाला मोदी नकोत. जेन झींना आता राहुल गांधी हेच पंतप्रधान म्हणून हवेत.''

या कार्यक्रमात राहुल गांधींना प्रश्न विचारण्याची संधी मिळाली तर, आम्ही तुम्हाला निवडून देऊ, असं त्यांना सांगू. शिक्षण व्यवस्था खूप घाण झाली आहे. कुठली डीग्री घ्यायची असेल तर ती विकत घ्यावी लागते. आम्हाला आमच्याच शिक्षणासाठी डोनेशन द्यावे लागते. शिक्षणासाठी पैसे खर्च करायचे आणि याच भारतात सर्व्हाइव्ह करायचे अशी परिस्थिती आहे. भाजपने शिक्षण व्यवस्था घाण केली आहे. शिक्षण व्यवस्था ही राहुल गांधींशिवाय कोणीही व्यवस्थित करू शकत नाहीत. ते स्वतः केंब्रिज युनिव्हर्सिटीतून शिकलेले आहेत. त्यामुळे आम्हाला सुशिक्षित पंतप्रधान हवे आहेत, असेही ही तरुणी म्हणाली.