Washim Accident: वाशिममध्ये भीषण अपघात! १३ चिमुकल्यांना घेऊन जाणारी व्हॅन खड्ड्यात पलटली अन् पुढे...

वाशिम जिल्ह्यातील कारंजा भागात मोठा अपघात घडला. मानोरा रोडवरील पाटील दूध संकलन केंद्राजवळ रस्त्याच्या कडेला खोल खड्ड्यात स्कूल व्हॅन पलटी झाली. या व्हॅनमध्ये एकूण 13 विद्यार्थी प्रवास करत होते. सुदैवाने सर्व मुलांचा जीव थोडक्यात वाचला आहे.

अपघात होताच परिसरातील स्थानिक नागरिकांनी धाव घेतली आणि मुलांना व्हॅनमधून सुरक्षित बाहेर काढलं. या घटनेनंतर पालकांमध्ये भीतीचे वातावरण पसरले असून विद्यार्थ्यांना किरकोळ दुखापती झाल्याची माहिती समोर आली आहे. या अपघातामुळे रस्त्यावरील खड्ड्यांबद्दल आणि वाहन सुरक्षेच्या प्रश्नांबद्दल पुन्हा एकदा चर्चा सुरु झाली आहे.