काँग्रेस उमेदवाराची कमाल, डिपॉझिट म्हणून चिल्लर भरली; निवडणूक अधिकारीही चक्रावले|VIDEO

नगर परिषदेच्या निवडणुकीचा आज उमेदवारी भरण्याचा चौथा दिवस आहे. उमेदवारी अर्जा सोबत अनामत रक्कम भरावी लागते आणि ही रक्कम उमेदवाराने चक्क चिल्लरच्या स्वरूपात आणल्याने अधिकारीही चक्रावले. वाशिम नगरपालिकेच्या उमेदवारीसाठी काँग्रेसचे उमेदवार राजू वानखडे यांनी चक्क 5000 रुपयांची एक, दोन आणि पाच रुपयांची नाणी आणून अधिकाऱ्यांना दिली. असा कोणताच नियम नाही की चिल्लर पैसे घेता येत नाहीत. त्यामुळे अधिकाऱ्यांना ती रक्कम स्वीकारावी लागली. यावेळी निवडणूक कर्मचाऱ्यांची चिल्लर नाणी मोजताना चांगलीच फजिती झाली. दरम्यान, मुलीने जमा केलेली ही नाणी अनामत रक्कम भरण्याचा आग्रह होता म्हणून ही रक्कम भरत असल्याचं वानखडे यांनी सांगितले.