Walmik Karad Surrender : वाल्मीक कराडची शरणागती, मुंडेंसाठी डोकेदुखी? विरोधकांकडून धनंजय मुंडेंच्या राजीनाम्याची मागणी

भरत मोहळकर, साम प्रतिनिधी

सरपंच संतोष देशमुखच्या हत्या प्रकरणात मंत्री धनंजय मुंडेंचे निकटवर्तीय असलेल्या वाल्मिक कराडवर आरोप करण्यात येत आहेत.. तब्बल 11 दिवसांनी वाल्मिक कराडने पुण्यात शरणागती पत्करली. मात्र त्यानंतर विरोधकांकडून धनंजय मुंडेंच्या राजीनाम्याची मागणी जोर धरु लागलीय.दुसरीकडे वाल्मिक कराडच्या अटकेनंतर करण्यात येत असलेल्या मुंडेंच्या राजीनाम्यावर मुख्यमंत्री देवेंद्र फडणवीस यांनी सावध प्रतिक्रीया दिलीय.

सामाजिक कार्यकर्त्या अंजली दमानिया यांनी यापुर्वीच धनंजय मुंडे आणि वाल्मिक कराड व्यावसायिक भागिदार असल्याचा दावा केलाय.. तर मुंडेंनीही कराड हे आपले निकटवर्तीय असल्याची कबुली दिलीय.. त्यामुळे या प्रकरणाचा छडा लागेपर्यंत मुख्यमंत्री फडणवीस धनंजय मुंडेंचा राजीनामा घेणार की आरोपांकडे दुर्लक्ष करून मुंडेंना पाठीशी घालणार? याकडे संपूर्ण राज्याचं लक्ष लागलं आहे.